ഷെല്ലിൽ നിന്നും പുറത്തുവന്നു: അമ്മ എന്ന നിലയിലും, വ്യക്തി എന്ന നിലയിലും ആസ്വദിക്കേണ്ട സമയമാണ്. ഭാമ പറയുന്നു!

ലോകം മുഴുവനും നിശ്ചലമായ സമയം ആയിരുന്നു. വീട്ടിലെ നാല് ചുമരിനുള്ളിൽ താൻ പെട്ടത്‌പോലെ തോന്നിയെന്നും അടുത്തിടെ വനിതയ്ക് നൽകിയ അഭിമുഖത്തിൽ ഭാമ പറഞ്ഞിരുന്നു. മകൾക്ക് വേണ്ടിയുള്ള കാത്തിരിപ്പിൽ ഒരുപാട് ഹോർമോൺ വ്യതിയാനങ്ങൾ ഉണ്ടാകുമെന്നും ഡോക്ടർ പറഞ്ഞു തന്നു. ഗര്ഭകാലം ആസ്വദിക്കണം എന്നാണ് പൊതുവെ പറഞ്ഞു കേട്ടിട്ടുള്ളത്. എന്നാൽ തനിക്ക് ഒരുപാട് ബുദ്ധിമുട്ടുകൾ ആണ് നേരിടേണ്ടി വന്നിരുന്നുവെന്നും ഭാമ പറഞ്ഞിട്ടുണ്ട്.

കുഞ്ഞു വന്നതോടുകൂടി നമ്മുടെ ഇഷ്ടങ്ങൾ മാറ്റി വയ്‌ക്കേണ്ടി വരും എന്നത് ശരിയാണ്. എന്നാൽ മുഴുവനായി മാറ്റിവയ്‌ക്കേണ്ട ആവശ്യമില്ല . നമ്മുടെ ഇഷ്ടങ്ങൾക്ക് സമയം കൊടുക്കണം. അതിനു വേണ്ടിയാണു യൂ ട്യൂബ് ചാനൽ തുടങ്ങിയതെന്നും അഭിമുഖത്തിൽ ഭാമ പറയുന്നു. സോഷ്യൽ മീഡിയയിൽ ആക്റ്റീവ് ആയത് ഇപ്പോഴാണ്. ഷെല്ലിൽ നിന്നും പുറത്തുവന്നു. അമ്മ എന്ന നിലയിലും, വ്യക്തി എന്ന നിലയിലും ആസ്വദിക്കേണ്ട സമയമാണ്. ഭാമ പറയുന്നു.

പാട്ടിനോടുള്ള മോഹം പൊടി തട്ടിയെടുത്തു. ഞാൻ പാടിയ പാട്ടുകൾ ചിത്രീകരിക്കണം എന്ന ആഗ്രഹമുണ്ട്. കുറെ യാത്രകൾ ചെയ്യാൻ ആഗ്രഹമുണ്ടെന്നും അത് യൂ ട്യൂബിലൂടെ തന്നെ സ്നേഹിക്കുന്നവർക്ക് മുൻപിലേക്ക് എത്തിക്കണം എന്ന് അആഗ്രഹമുണ്ടെന്നും നടി പറഞ്ഞിരുന്നു. ഇപ്പോൾ ഇന്‍സ്റ്റഗ്രാമിലൂടെ ഭാമ ഒട്ടുമിക്ക വിശേഷങ്ങളും പങ്കിട്ടെത്താറുണ്ട്.

എല്ലാവരും മറന്നെന്നു കരുതിയതാണ്. ഇത്രയും വർഷം സിനിമയിൽ നിന്നും മാറി നിന്നതല്ലേ. ഒരിക്കൽ ഞാനും അരുണും പനമ്പിളളി നഗറിൽ കാർ നിർത്തി പുറത്തേക്കിറങ്ങി. മാസ്ക്ക് വച്ചിട്ടുണ്ട്. അത് ഇല്ലെങ്കിൽ പോലും ആർക്കും മനസിലാകില്ല എന്നാണ് ഓർത്തത്. ഞങ്ങൾ കാറിൽ നിന്നിറങ്ങിയത് കണ്ടിട്ട് കുറച്ചു കോളേജ് കുട്ടികൾ എന്നെ തിരിച്ചറിഞ്ഞു ഹായ് പറയുന്നു. സത്യം പറഞ്ഞാൽ ഉള്ളിൽ ഉറങ്ങിക്കിടന്ന ആ പഴയകാലം പെട്ടെന്ന് ഉണർന്നുവെന്നും, വല്ലാത്ത എനർജി കിട്ടിയപോലെ ഫീൽ ചെയ്തുവെന്നും ഭാമ.