പുതിയ ചിത്രത്തിൽ പൃഥ്വിരാജിന്റെ നായികയായി ഭാവന

പൃഥ്വിരാജിന്റെ നായികയായി ഭാവനയെത്തുന്നു. പുതിയ ചിത്രത്തിന്റെ ഷൂട്ടിങ്ങ് അടുത്ത ദിവസം തന്നെ ആരംഭിക്കും. 'ആദം' എന്നുപേരിട്ടിരിക്കുന്ന ചിത്രത്തിന്റെ സംവിധായകന്‍ നവാഗതനായ ജിനു എബ്രഹാമാണ്. പൃഥ്വിരാജ്-ശശികുമാര്‍ ചിത്രമായ മാസ്റ്റേഴ്‌സിന്റെ തിരക്കഥാക്കൃത്തായ ജിനു എബ്രഹാം ആദ്യമായി സംവിധാനം ചെയ്യുന്ന ചിത്രമാണ് ആദം. കേരളത്തിലും സ്‌കോട്ട്‌ലന്റിലുമായി ചിത്രീകരിക്കുന്ന സിനിമയുടെ കേരളത്തിലെ ഷെഡ്യൂളാണ് വരുന്ന ദിവസം തന്നെ ആരംഭിക്കുന്നതെന്നും സംവിധായകന്‍ പറഞ്ഞു.

ചിത്രത്തിന്റെ ആദ്യഷെഡ്യൂളില്‍ ജോയിന്‍ ചെയ്യാന്‍ ഭാവനയ്ക്ക് തുടക്കത്തില്‍ വിമുഖത ഉണ്ടായിരുന്നതായി സംവിധായകന്‍ പറഞ്ഞു. ധൈര്യസമേതം സിനിമ ചെയ്യാൻ നിരവധി സുഹൃത്തുക്കൾ പറഞ്ഞതോടെയാണ് നടി വീണ്ടും അഭിനയരംഗത്തേക്ക് എത്താൻ തീരുമാനിച്ചത്.

അടുത്ത ദിവസം തന്നെ ഭാവന ചിത്രത്തില്‍ അഭിനയിക്കാന്‍ എത്തുന്നതെന്നും സംവിധായകന്‍ ജിനു എബ്രഹാം വ്യക്തമാക്കി. ഇവിടെ എന്ന ശ്യാമപ്രസാദ് ചിത്രത്തിനു ശേഷം പൃഥ്വിയും ഭാവനയും വീണ്ടും ഒരുമിച്ച് അഭിനയിക്കുന്ന ചിത്രം കൂടിയാണ് ഇത്. റൊമാന്റിക് എന്റര്‍ടെയ്‌നറായ ചിത്രത്തില്‍ ആദം ജോണ്‍ പോത്തനെന്ന പാലാക്കാരനായ പ്ലാന്ററുടെ വേഷമാണ് പൃഥ്വിരാജിന്. നരേനാണ് ചിത്രത്തില്‍ മറ്റൊരു പ്രധാന റോളില്‍ അഭിനയിക്കുന്നത്. റോബിന്‍ഹുഡിനുശേഷം ഇവര്‍ മൂന്നുപേരും ഒരുമിക്കുന്ന ചിത്രം കൂടിയാണ് ആദം. സുഹൃത്തായ സിറിയക് എന്ന കഥാപാത്രത്തെയാണ് നരേന്‍ അവതരിപ്പിക്കുന്നത്. കോട്ടയം സിഎംഎസ് കോളെജിന്റെ പശ്ചാത്തലത്തിലാണ് സിനിമ ഒരുങ്ങുന്നത്.

bhavana's new-film with prithviraj