അവനെ കുറ്റപ്പെടുത്തുമ്പോൾ കുടുംബത്തെ കൂടി ഒന്ന് ഓർക്കാം; ചെയ്തത് തെറ്റ് തന്നെ പക്ഷേ; അപർണ്ണ വിഷയത്തിൽ ബിപിനും വിഷ്ണുവും

തങ്കം സിനിമയുടെ പ്രെമോഷന്റെ ഭാഗമായി എറണാകുളം ലോ കോളേജില് എത്തിയപ്പോൾ അപര്ണ ബാലമുരളിക്ക് മോശം അനുഭവം നേരിടേണ്ടി വന്നിരുന്നു. ഒട്ടും പ്രതീക്ഷിക്കാത്തതാണ് ലോ കോളെജില് അത്തരം സംഭവം നടന്നതെന്ന് അപര്ണയും പ്രതികരിക്കുകയുണ്ടായി. കോളേജ് അധികൃതരുടെ നടപടികളില് തൃപ്തയാണെന്നും എന്താണ് ചെയ്യേണ്ടത് എന്ന് കോളേജിന് അറിയാം, അതുപോലെ തന്നെ അവര് ചെയ്തിട്ടുണ്ടെന്നും അപര്ണ പറഞ്ഞിരുന്നു. നിരവധി ആളുകൾ അപര്ണയ്ക്ക് പിന്തുണയുമായി എത്തി. എന്നാൽ സംഭവത്തിൽ ആ പയ്യന്റെ കാര്യം കൂടി ഒന്ന് ചിന്തിച്ചു നോക്കണം എന്ന് പറയുകയാണ് നടന്മാരായ ബിപിനും വിഷ്ണുവും. വെടിക്കെട്ട് സിനിമയുടെ പ്രമോഷന്റെ ഭാഗമായി പങ്കെടുത്തപ്പോഴാണ് ഇരുവരുടെയും പ്രതികരണം. വിശദമായി വായിക്കാം.