കട്ടന്‍ ചായയ്‍ക്ക് 100 രൂപ; ഒബ്രോണ്‍ മാളിനെതിരെ ഫേസ്‍ബുക്ക് പോസ്റ്റ്

കൊച്ചി ഒബ്രോണ്‍ മാളിലെ പിവിആര്‍ ഫുഡ്‍ കൗണ്ടറിൽ നിന്ന് കട്ടന്‍ ചായയ്ക്ക് കിട്ടിയ ബില്‍ 100 രൂപ.

ഫില്‍റ്റര്‍ കോഫിയെന്ന പുറംമോടിയിലാണ് കട്ടന്‍ചായയ്ക്ക് 100 രൂപവിലയിട്ട് തന്നതെന്ന് ഫേസ്‍ബുക്ക് പോസ്റ്റിലൂടെ എഴുതിയത് സിനിമ ഛായാഗ്രഹകന്‍ സുജിത് വാസുദേവ് ആണ്.

ബില്ലും ഫേസ്‍ബുക്ക് പോസ്റ്റില്‍ ചേര്‍ത്തിട്ടുണ്ട്.



ചൂടുവെള്ളം, തേയില, രണ്ട് പാക്കറ്റ് പഞ്ചസാര ഇത്രയൊക്കെയല്ലേ ഈ ചായയില്‍ ഉണ്ടാകൂ. ഇത്തരക്കാരെ നിങ്ങളെ പറ്റിക്കാന്‍ അനുവദിക്കരുത്. സൂക്ഷിക്കുക. സുജിത് എഴുതി.