ക്യൂട്ട് ആൻഡ് ഫ്ലേർട്ടി! പുതിയ കാമുകിക്കൊപ്പം പ്രണയവേദിയായി ബ്രാഡ് പിറ്റിന്റെ പിറന്നാൾ ആഘോഷം!

അഭിനേതാവ്, നിർമ്മാതാവ് എന്നീ നിലകളിലും, അമേരിക്കയിലെ ഏറ്റവും മുന്തിയ ബ്രാൻഡുകളുടെ അംബാസിഡർ എന്ന നിലയിലുമെല്ലാം അതിപ്രശസ്തിയുടെ കൊടുമുടിയിൽ നിൽക്കുന്ന താരമാണ് വില്യം ബ്രാഡ്‌ലി പിറ്റ് എന്ന ബ്രാഡ് പിറ്റ്. ഒന്നും രണ്ടുമല്ല മദ്യം മുതൽ കാർ വരെയുള്ള എണ്ണം പറഞ്ഞ പന്ത്രണ്ടു ലോകോത്തര ബ്രാൻഡുകളുടെ അംബാസിഡർ ആണ് ഈ അൻപത്തിയൊൻപതുകാരൻ. ഒരർത്ഥത്തിൽ ഹോളിവുഡിന്റെ സ്റ്റൈൽ ഐക്കൺ എന്ന് തന്നെ വിശേഷിപ്പിക്കാവുന്ന താരം.

മുപ്പത്തിയഞ്ചു വർഷങ്ങൾ പിന്നിട്ട അഭിനയ ജീവിതത്തിനിടെ രണ്ടു തവണ പീപ്പിൾസ് സെക്‌സിയസ്റ്റ് മാൻ എലൈവ് ആയി (1995,2000 വർഷങ്ങളിൽ) തെരഞ്ഞെടുക്കപ്പെട്ട ബ്രാഡ് പിറ്റ്, ഹോളിവുഡിന്റെ സ്വപ്നസുന്ദരി ആഞ്ജലീന ജോളിയുടെ പങ്കാളി എന്ന നിലയിലും അനേകായിരം അസൂയാലുക്കളെ ഉണ്ടാക്കിയ താരമാണ്.


ALSO READ: സുഹാനയുടെയും ബഷീര്‍ ബഷിയുടെയും പതിമൂന്നാം വിവാഹ വാര്‍ഷികത്തിന് മഷുറ ഒരു ആശംസ പോസ്റ്റും പങ്കുവച്ചില്ലേ

ബ്രാഡ് പിറ്റ് തന്റെ അന്പത്തിയൊമ്പതാം പിറന്നാൾ പ്രണയവിരുന്നാക്കി മാറ്റിയ വാർത്തയാണ് ഇപ്പോൾ വൈറലായിരിക്കുന്നത്. പ്രമുഖ ഹോളിവുഡ് നടൻ പോൾ വെയ്‌ലിയുടെ മുൻ ഭാര്യയും, ഫിറ്റ്നസ് എന്തൂസിയാസ്റ്റ്, ഹെൽത്ത് കോച്ച് സോഷ്യൽ മീഡിയ ഇൻഫ്ളുവന്സര് എന്നീ നിലകളിൽ പ്രശസ്തയുമായ ഐൻസ് ഡി റാമോണുമായി ബ്രാഡ് പ്രണയത്തിലാണ് എന്ന അഭ്യൂഹങ്ങൾ മുൻപേ തന്നെ പ്രചരിച്ചിരുന്നു.

റാമോണിനെയും കൊണ്ട് സ്വന്തം കാറിൽ പിറന്നാൾ ആഘോഷങ്ങൾക്ക് എത്തിയ ബ്രാഡ് പിറ്റ്, സുഹൃത്തുക്കൾക്ക് വേണ്ടി ഇറ്റാലിയൻ ഭക്ഷണങ്ങളുടെ അകമ്പടിയോടെ ഒരു ഗംഭീര വിരുന്നു തന്നെ ഒരുക്കിയിരുന്നു. ഇരുവരുടെയും പ്രണയരംഗങ്ങൾക്കും, ഒരുമിച്ചുള്ള ഫോട്ടോഷൂട്ടിനും സാക്ഷ്യം വഹിച്ച വിരുന്നിനെ ക്യൂട്ട് ആൻഡ് ഫ്ലെർട്ടി എന്നാണ് മാധ്യമങ്ങൾ വിശേഷിപ്പിച്ചത്.