വിക്രമിന്‍റെ മകൻ ഓടിച്ച കാർ അപകടത്തിൽപ്പെട്ടു

ചെന്നൈ: തെന്നിന്ത്യൻ നടൻ വിക്രമിന്റെ മകൻ ധ്രുവ് സഞ്ചരിച്ചിരുന്ന കാർ അപകടത്തിൽപ്പെട്ട ഒരാൾക്ക് പരിക്ക്. ഇന്ന് രാവിലെ ചെന്നൈയിലെ തേനാംപേട്ടിൽ വെച്ചാണ് അപകടം. ധ്രുവ് ഓടിച്ചിരുന്ന കാർ നിയന്ത്രണം വിട്ട് റോഡരികിൽ നിർത്തിയിട്ടിരുന്ന മൂന്ന് ഓട്ടോകളിൽ ഇടിച്ചു.

അപകടത്തിൽപ്പെട്ട ഒരു ഓട്ടോയുടെ ഡ്രൈവറെ ഉടൻ തന്നെ ആശുപത്രിയിൽ പ്രവേശിപ്പിച്ചു. ഡ്രൈവറുടെ കാലിന് പരിക്കേറ്റു. ധ്രുവ് മദ്യപിച്ചിരുന്നെന്നും അറസ്റ് ചെയ്യാൻ സാധ്യതയുണ്ടെന്നുമാണ് റിപ്പോർട്ട്. ബാല സംവിധാനം ചെയ്യുന്ന 'വർമ'യിലൂടെ തമിഴിൽ അരങ്ങേറ്റത്തിന് ഒരുങ്ങുകയാണ് ധ്രുവ്. തെലുങ്കിൽ സൂപ്പർ ഹിറ്റായിരുന്നു അർജുൻ റെഡ്‌ഡിയുടെ റീമേക്കാണ് വർമ.