കാവേരി: ഇരു സംസ്ഥാനങ്ങളും ഒന്നിക്കണമെന്ന് കമൽ

ചെന്നൈ: തമിഴ്‌നാടും കർണാടകവും കാവേരി നദീജലതർക്കത്തിൽ യോജിപ്പിൽ എത്തണമെന്ന് നടൻ കമലഹാസൻ. ഇരുസംസ്ഥാനങ്ങളും നദീസംയോജനത്തെ കുറിച്ച് ആലോചിക്കണമെന്നും കമലഹാസൻ പറഞ്ഞു.

ജനങ്ങൾ കോടതി വിധിയെ രാഷ്ട്രീയ നേട്ടത്തിനായി ഉപയോഗിക്കുന്നതിനെ കമലഹാസൻ എതിർത്തു. തമിഴ്‌നാടിന് ലഭിക്കുന്ന കുറച്ച് ജലം സൂക്ഷിക്കാനുള്ള പദ്ധതികൾ സർക്കാർ രൂപീകരിക്കണമെന്നും കമലഹാസൻ ആവശ്യപ്പെട്ടു. കർണാടകത്തിന് അനുകൂലമായാണ് ഇന്ന് സുപ്രീം കോടതി വിധി പുറപ്പെടുവിച്ചത്. 20 വർഷമായി തമിഴ്‌നാടും കർണാടകവും തമ്മിൽ നിലനിൽക്കുന്ന തർക്കത്തിലാണ് സുപ്രീം കോടതി ഇന്ന് വിധി പുറപ്പെടുവിച്ചത്.