പ്രിയനായികയെ ഒരുനോക്കു കാണാൻ ആയിരങ്ങള്‍

ബോളിവുഡിന്‍റെ പ്രിയനായിക ശ്രീദേവിയെ അവസാനമായി ഒരു നോക്കു കാണാൻ താരങ്ങളുടെ നീണ്ട നിര. താരത്തിന്‍റെ ഭൗതികശരീരം പൊതുദര്‍ശനത്തിന് വച്ചിരിക്കുന്ന ലോഖണ്ഡ്‍‍വാല ഗ്രീൻ ഏക്കേഴ്സ് സമുച്ചയത്തിലേയ്ക്ക് ആയിരങ്ങളാണ് ഒഴുകിയെത്തുന്നത്. അതേസമയം, കുടുംബത്തിന്‍റെ സ്വകാര്യതയുടെ പേരിൽ മാധ്യമങ്ങളെ ഉള്ളിലേയ്ക്ക് പ്രവേശിപ്പിക്കുന്നില്ല.


ജാക്വിലിൻ ഫെർണാണ്ടസ്

ചലച്ചിത്രതാരങ്ങളുടെ നീണ്ടനിരയാണ് ശ്രീദേവിയ്ക്ക് അന്ത്യാഞ്ജലി അര്‍പ്പിക്കാനായി എത്തിക്കൊണ്ടിരിക്കുന്നത്. തബു, ഹേമമാലിനി, ഇഷ ഡിയോള്‍, നിമ്രത് കൗര്‍, അക്ഷയ് ഖന്ന, ജയപ്രദ, ഐശ്വര്യ റായ്, ജാക്വലിൻ ഫെര്‍ണാണ്ടസ്, സുസ്മിത സെൻ, സോനം കപൂര്‍, ആനന്ദ് അഹുജ, അര്‍ബാസ് ഖാൻ, ഫറാ ഖാൻ തുടങ്ങിയവര്‍ സെലിബ്രേഷൻ സ്പോര്‍ട്സ് ക്ലബിലെത്തി.


(ജയ ബച്ചൻ)

ഒപ്പം ഉദ്ധവ് താക്കറെയുടെ ഭാര്യ രാശ്മി, മകൻ ആദിത്യ താക്കറെ എന്നിവരും ശ്രീദേവിയ്ക്ക് ആദരാഞ്ജലി അര്‍പ്പിച്ചു.


കജോൾ

സെലിബ്രേഷൻ സ്പോര്‍ട്സ് ക്ലബിന്‍റെ ഒരു ഗേറ്റിലൂടെ താരങ്ങളെയും നേതാക്കളെയും മറ്റൊരു ഗേറ്റിലൂടെ പൊതുജനങ്ങളെയുമാണ് പ്രവേശിപ്പിക്കുന്നത്.


കജോളും അജയ് ദേവ്ഗണും

12 മണിവരെയാണ് പൊതുദര്‍ശനം. അതിനുശേഷം അനുശോചനസമ്മേളനവും ഇവിടെ നടത്തും. ഉച്ചയോടെ വിലാപയാത്രയോടെ സംസ്കാരച്ചടങ്ങുകള്‍ ആരംഭിക്കും. ഇന്നു വൈകിട്ട് 3.30ന് ബുഹു പവൻ ഹൻസ് സമുച്ചയത്തിന് സമീപം വിലെ പാര്‍ലെ സേവാ സമാജ് ശ്മശാനത്തിലാണ് സംസ്കാരം.