ഫോട്ടോഗ്രാഫര്‍ മഹാദേവന്‍ തമ്പി സംവിധാനത്തിലേക്ക്

പ്രശസ്ത സെലിബ്രിറ്റി ഫോട്ടോഗ്രാഫര്‍ മഹാദേവന്‍ തമ്പി സിനിമാ സംവിധാന മേഖലയിലേക്ക് പ്രവേശിക്കുന്നു. അനൂപ് മേനോനും കുഞ്ചാക്കോ ബോബനുമാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുക. അനൂപ് മേനോൻ തന്നെയാണ് ചിത്രത്തിന് തിരക്കഥ ഒരുക്കുന്നത്. അടുത്ത മാസത്തോടെ ചിത്രത്തിന്‍റെ ഷൂട്ടിംഗ് ആരംഭിക്കും.

സജി സുരേന്ദ്രൻ ഒരുക്കിയ ഇവര്‍ വിവാഹിതരായാല്‍ എന്ന ചിത്രത്തിലെ എനിക്ക് പാടാനൊരു പാട്ടിലുണ്ടൊരു പെണ്ണ് എന്ന ഗാനം സംവിധാനം ചെയ്തത് മഹാദേവന്‍ തമ്പിയായിരുന്നു. റിമ കല്ലിങ്കല്‍ ഉള്‍പ്പെടെ ഒട്ടേറെ താരങ്ങളെ അണിനിരത്തി ചില മ്യൂസിക് വീഡിയോകളും മഹാദേവന്‍ തമ്പി ഒരുക്കിയിട്ടുണ്ട്.