നോട്ടു നിരോധനത്തെ പരിഹസിച്ച് ചിമ്പു പാടിയ ഗാനം വൈറൽ

നോട്ടുനിരോധനത്തിന്‍റെ ഒന്നാം വാര്‍ഷികത്തിൽ പ്രധാനമന്ത്രിയുടെ 'വിപ്ലവ നടപടി'യെ പരിഹസിച്ച് നടന്‍ ചിമ്പു ആലപിച്ച ഗാനം വൈറലാകുന്നു. 'തട്ട്‌റോം തൂക്ക്‌റോം' എന്ന പേരില്‍ പുറത്തിറങ്ങിയ ആല്‍ബത്തിലാണ് ഈ ഗാനം. 'ഡീമോണറ്റൈസേഷൻ ആന്തം' എന്നാണ് ഈ ഗാനത്തെ വിശേഷിപ്പിച്ചിരിക്കുന്നത്.

നോട്ട് നിരോധനത്തില്‍ നട്ടം തിരിഞ്ഞ ജനങ്ങളെ ജി.എസ്.ടി കൂടുതല്‍ ബുദ്ധിമുട്ടിലാക്കിയെന്നും ഗാനത്തില്‍ പറയുന്നു. വൈരമുത്തുവിന്‍റെ വരികള്‍ക്ക് ബാലമുരളി ബാലുവാണ് ഈണം പകര്‍ന്നിരിക്കുന്നത്. എന്തൊരു ജീവിതമാണിതെന്ന് കണ്‍ഫ്യൂഷനടിച്ചാണ് ജനജീവിതമെന്ന് പറഞ്ഞാണ് ഗാനം അവസാനിക്കുന്നത്.




ഏതായാലും ഈ വേളയിൽ ഗാനത്തെ ജനങ്ങൾ ഏറ്റെടുത്ത മട്ടാണ്. ചുരുങ്ങിയ സമയത്തിനുള്ളിൽ തന്നെ മൂന്നുലക്ഷത്തിലേറെ പേരാണ് ഈ ഗാനം കണ്ടിരിക്കുന്നത്.