സംഗീത സംവിധായകൻ സൂരജിന് ഇത് പുത്തൻ അനുഭവകാലം

സംഗീത സംവിധായകൻ സൂരജ് എസ് കുറുപ്പിന് ഇത് പുത്തൻ അനുഭവകാലമാണ്. ചലച്ചിത്ര മേഖലയിലെ അണിയറയില്‍ നിന്ന് ക്യാമറക്ക് മുന്നിലെത്തിയതിന്‍റെ അനുഭവം തൊട്ടറിയുകയാണ് സൂരജ് ഇപ്പോൾ. തിയേറ്ററില്‍ നിറഞ്ഞോടുന്ന പുതിയ നിവിൻ പോളി ചിത്രം സഖാവിലാണ് സൂരജ് അഭിനയത്തില്‍ ഒരു കൈ നോക്കിയത്. ഇതിനോടകം തന്നെ ഗായകന്‍റെയും സംഗീത സംവിധായകന്‍റെയും ഗാനരചയിതാവിന്‍റെയും മേലങ്കി അണിഞ്ഞ സൂരജ് സഖാവിലൂടെ ഒരു നടന്‍റെ പുറംചട്ടകൂടി അണിയുകയാണ്. സിദ്ധാര്‍ഥ് ശിവ സംവിധാനം ചെയ്ത സഖാവ് എന്ന ചിത്രത്തില്‍ നിവിൻ പോളി അവതരിപ്പിക്കുന്ന സഖാവ് കൃഷ്ണകുമാറിന്‍റെ ഉറ്റചങ്ങാതിയായ സഖാവ് രാജീവ് ആയി എത്തുന്നത് സൂരജാണ്.

മുഴുനീള കഥാപാത്രമല്ലായിരുന്നു എങ്കില്‍ കൂടി കഥയില്‍ വളരെ പ്രാധാന്യമുള്ള ഒരു കഥാപാത്രത്തെയാണ് താൻ അവതരിപ്പിച്ചിരിക്കുന്നതെന്ന് സൂരജ് പറഞ്ഞു. വെറും മൂന്നു ദിവസത്തിനുള്ളില്‍ തന്‍റെ ഭാഗത്തിന്‍റെ ഷൂട്ടിങ് പൂര്‍ത്തിയായെന്നും സൂരജ്. ചിത്രത്തിനായി ഒരു ഗാനത്തിന്‍റെ വരികൾ എഴുതിയിരിക്കുന്നതും സൂരജാണ്.

ഗായത്രി സുരേഷും ഐശ്വര്യ രാജേഷുമാണ് ചിത്രത്തിലെ നായികാ കഥാപാത്രങ്ങളെ അവതരിപ്പിച്ചിരിക്കുന്നത്.



Composer Sooraj S Kurup makes his acting debut through Nivin Pauly's Sakhavu

Msic composer Sooraj S Kurup, who has made his mark in tinsel town as a singer, lyricist and composer is all set to try his luck in acting through Nivin Pauly-starrer Sakhavu directed by Siddhartha Siva