സ്വതസിദ്ധമായ സംസാരശൈലിയും കുട്ടിത്തമുള്ള പ്രകൃതവും!
സ്വതസിദ്ധമായ സംസാരശൈലിയും കുട്ടിത്തമുള്ള പ്രകൃതവുമാണ് നടിയെ മറ്റുള്ളവരിൽ നിന്നും വ്യത്യസ്തയാക്കുന്നത്. ഈ ഘടകങ്ങൾ കൊണ്ട് തന്നെയാണ് നടി ബാലതാരമായും നായികയായും സിനിമയിൽ തിളങ്ങിയതും സ്റ്റേജുകളിൽ ഹോസ്റ്റായി മിന്നിയതും എന്ന കാര്യത്തിൽ സംശയമില്ല.
തമിഴിലും മലയാളത്തിലും ഒരേസമയം താരാധിപത്യം!
തമിഴിലും മലയാളത്തിലും ഒരേസമയം മിന്നിത്തിളങ്ങിയ നടി നസ്രിയയ്ക്ക് രണ്ട് സിനിമാ മേഖലകളിലും കൃത്യമായ ആധിപത്യം സ്ഥാപിക്കാനായിരുന്നു. അൽഫോൻസ് പുത്രൻ സംവിധാനം ചെയ്ത നേരം എന്ന ചിത്രമാണ് നടിയ്ക്ക് തമിഴിലേക്ക് വഴി തുറന്നത്. മലയാളം തമിഴ് എന്നീ രണ്ട് ഭാഷകളിലായായിരുന്നു നേരം തീയേറ്ററുകളിൽ റിലീസിന് എത്തിയത്. ചിത്രത്തിലെ താരത്തിൻ്റെ പ്രകടനം അത്രത്തോളം പ്രേക്ഷകപ്രീതി ആര്ജ്ജിക്കുന്ന തരത്തിലുള്ളതായിരുന്നു. നിവിൻ പോളിയായിരുന്നു ചിത്രത്തിലെ നായകൻ.
രാജാ റാണിയിലെ കീര്ത്തന
നേരത്തിന് ശേഷം നസ്രിയ അഭിനയിച്ച തമിഴ് ചിത്രം രാജാ റാണിയായിരുന്നു. ചിത്രത്തിലെ നടിയുടെ പ്രകടനവും ഏറെ ശ്രദ്ധിക്കപ്പെട്ടു. ഈ ചിത്രത്തോടെയാണ് തമിഴകത്ത് നസ്രിയയ്ക്ക് ആരാധകര് ഏറിയത്. ചിത്രത്തിൽ ആര്യ ആയിരുന്നു നസ്രിയയുടെ പെയര്. കുട്ടിത്തം നിറഞ്ഞ സൗന്ദര്യമാണ് നസ്രിയയെ ആരാധകര് നെഞ്ചേറ്റാനുള്ള മറ്റൊരു കാരണം.
ഓം ശാന്തി ഓശാനയും ബാംഗ്ലൂര് ഡെയ്സും
ഓം ശാന്തി ഓശാനയിൽ നിവിൻ പോളിയുടെ നായികയായെത്തി നസ്രിയ അവതരിപ്പിച്ച പൂജ മാത്യു എന്ന കഥാപാത്രം ഏറെ പ്രേക്ഷക പ്രീതി ആര്ജ്ജിച്ചിരുന്നു. ചിത്രത്തിലെ നടിയുടെ പല രംഗങ്ങളും ഇന്നും ആരാധകരുടെ മനസ്സുകളിൽ നിറഞ്ഞു നിൽക്കുകയാണ്. തുടര്ന്നാണ് നടി ബാംഗ്ലൂര് ഡെയ്സ് എന്ന ചിത്രം ചെയ്യുന്നത്. ഈ ചിത്രത്തിൻ്റെ ഷൂട്ടിങ് പുരോഗമിക്കുന്നതിനിടെയായിരുന്നു ചിത്രത്തിൽ നടിയുടെ പെയറായി അഭിനയിച്ചു വന്ന ഫഹദ് ഫാസിലുമായി വിവാഹനിശ്ചയം നടക്കുന്നത്. റിലീസായ ചിത്രം വമ്പൻ ഹിറ്റായതോടെ ഇരുവരും തമ്മിലുള്ള വിവാഹം.
ഇടവേളയ്ക്ക് ശേഷം 'കൂടെ'
വിവാഹശേഷം ഒരു ചെറിയ ഇടവേളയ്ക്ക് ശേഷമായിരുന്നു നടിയുടെ തിരിച്ചുവരവ്. ബാംഗ്ലൂര് ഡെയ്സ് സംവിധാനം ചെയ്ത അഞ്ജലി മേനോൻ ഒരുക്കിയ കൂടെ എന്ന ചിത്രത്തിൽ മുഴുനീള വേഷത്തിലാണ് ചിത്രത്തിലെത്തിയത്. പൃഥ്വിരാജിൻ്റെ അനിയത്തിയുടെ വേഷമായിരുന്നു ചിത്രത്തിൽ നസ്രിയ അവതിരിപ്പിച്ചത്. ഇതിന് പിന്നാലെ നസ്രിയ നിര്മ്മാതാവിൻ്റ വേഷത്തിൽ സിനിമകളെടുത്തു വിജയിപ്പിച്ചു. അതിനൊക്കെ ശേഷം നസ്രിയ വീണ്ടും ഫഹദിൻ്റെ നായികയായി തിരിച്ചെത്താനൊരുങ്ങുകയാണ് ട്രാൻസ് എന്ന ചിത്രത്തിലൂടെ.