സിനിമയ്ക്കും പൃഥ്വിയ്ക്കുമെതിരെ അധിക്ഷേപം
താരത്തിനും കുടുംബത്തിനുമെതിര വളരെ മോശം പദപ്രയോഗങ്ങള്‍ ഉപയോഗിച്ചുകൊണ്ടുള്ള പ്രചാരണമാണ് സമൂഹമാധ്യമങ്ങളില്‍ വ്യാപകമായി നടക്കുന്നത്. വാരിയം കുന്നത്ത് കുഞ്ഞമ്മദ് ഹാജി ഹിന്ദുവിരുദ്ധനാണെന്നും സിനിമ ചരിത്രത്തെ വളച്ചൊടിക്കാൻ ശ്രമിക്കുകയാണെന്നുമാണ് ഇക്കൂട്ടരുടെ ആരോപണം.
അമ്മയ്ക്കെതിരേയും അധിക്ഷേപം
ഇതിലും ഭേദം ലേശം മസാലയൊക്കെ ചേര്‍ത്ത് നിന്റെ തള്ളയുടെ ആദ്യ കെട്ടിന്റെ കഥ പറയുന്നതാണെന്നായിരുന്നു സംഘപരിവാര്‍ അനുകൂലിയായ അംബികയുടെ പ്രതികരണം. ഇതിനെതിരെ പ്രതിഷേധം ശക്തമായിരുന്നു.
നിയമ നടപടി വേണമെന്ന് ഭാഗ്യലക്ഷ്മി
അംബികയുടെ പോസ്റ്റിനെതിരെ വിമര്‍ശനവുമായി ഡബ്ബിങ് ആര്‍ട്ടിസ്റ്റ് ഭാഗ്യലക്ഷ്മിയും രംഗത്ത് എത്തിയിരുന്നു. ഒരു കലാകാരൻ തൻ്റെ അടുത്ത സിനിമയെക്കുറിച്ച് എഴുതുമ്പോൾ ഒരു സ്ത്രീയുടെ കമൻ്റ് നോക്കൂ എന്ത് മ്ലേച്ഛമായ ഭാഷയാണ് ഇത്. ഇത്രമാത്രം മോശമായ ഭാഷ ഉപയോഗിക്കുന്ന ഇവരുടെ സംസ്ക്കാരം കുലമഹിമ അപാരം തന്നെ. അംബികയ്ക്കെതിരെ നിയമ നടപടിയെടുക്കണമെന്നും ഭാഗ്യലക്ഷ്മി ആവശ്യപ്പെട്ടു.
പിന്നാലെ മാപ്പ്
വിമര്‍ശനം ശക്തമായതോടെെ അംബിക മാപ്പ് ചോദിച്ച് രംഗത്ത് എത്തി. പൃഥ്വിരാജ് എന്ന നടനോടും വ്യക്തിയോടുമുള്ള വെറുപ്പിന്റെ പുറത്തു എഴുതിയ വാക്കുകൾ അയാളുടെ അമ്മയെ വേദനിപ്പിക്കാൻ ഇടവരുത്തിയിട്ടുണ്ടെങ്കിൽ ഞാൻ അവരോട് ക്ഷമ ചോദിക്കുന്നു! പൃഥ്വിരാജിനോടുള്ള നിലപാടിൽ മാറ്റമൊന്നുമില്ലെന്നായിരുന്നു അവരുടെ പ്രതികരണം.
അലി അക്ബറും
സംവിധായകനായ അലി അക്ബറും സിനിമക്കെതിരെ വിദ്വേഷവുമായി രംഗത്ത് എത്തിയിരുന്നു. പുഴ മുതല്‍ പുഴ വരെ ഒഴുക്കിയ രക്തപ്പുഴയും മാനഭംഗവും കൊള്ളയും അധിനിവേശവും വെള്ളപൂശാന്‍ നിന്നാല്‍ അത് ശുദ്ധതയോടെ പറയാന്‍ മുന്‍കെെയ്യെടുക്കേണ്ടി വരുമെന്നായിരുന്നു അദ്ദേഹത്തിന്റെ പോസ്റ്റ്.