ഡി സിനിമാസ് ഭൂമി കൈയേറ്റം: വിജിലന്‍സ്​ കേസെടുത്തു

തൃശൂര്‍: ഡി സിനിമാസിന്‍റെ ഭൂമി കൈയേറ്റവുമായി ബന്ധപ്പെട്ട കേസില്‍ വിജിലന്‍സ് കേസെടുത്തു. നടന്‍ ദിലീപ്, തൃശൂര്‍ മുന്‍ ജില്ല കളക്ടര്‍ എം.എസ്.ജയ എന്നിവര്‍ക്കെതിരേ കേസ് രജിസ്റ്റര്‍ ചെയ്തിട്ടില്ല. തെളിവുകള്‍ ലഭിച്ച ശേഷം ഇരുവര്‍ക്കും എതിരേ കേസ് രജിസ്റ്റര്‍ ചെയ്താല്‍ മതിയെന്നാണ് വിജിലന്‍സ് തീരുമാനിച്ചിരിക്കുന്നത്. ദിലീപ് ഉള്‍പ്പടെയുള്ള പ്രതികള്‍ക്കെതിരേ കേസ് രജിസ്റ്റര്‍ ചെയ്യാന്‍ കോടതി ഉത്തരവിട്ടിട്ടും നടപടി സ്വീകരിക്കാത്തതിനെതിരേ തൃശൂര്‍ വിജിലന്‍സ് കോടതി വിമര്‍ശനം ഉന്നയിക്കുകയും ചെയ്തിരുന്നു.

ദിലീപിനെ അനുകൂലിച്ചായിരുന്നു വിജിലന്‍സ് റിപ്പോര്‍ട്ട് സമര്‍പ്പിച്ചിരുന്നത്. ദിലീപ് ഭൂമി കൈയേറിയിട്ടില്ലെന്ന് വിജിലന്‍സ് റിപ്പോര്‍ട്ടില്‍ വ്യക്തമാക്കിയിരുന്നു. എന്നാല്‍ വ്യാജ ആധാരങ്ങള്‍ ചമച്ചാണ് ദിലീപ് സ്ഥലം വാങ്ങിയതെന്നും ഇതില്‍ പുറമ്പോക്കും ഉള്‍പ്പെടുന്നതായുളള റവന്യൂ റിപ്പോ‍ർട്ട് മുങ്ങിയെന്നും നേരത്തെ ആക്ഷേപം ഉയര്‍ന്നിരുന്നു.