അപര്‍ണയെ വിവാഹം ചെയ്ത് കൂട്ടിവരുന്നതിന് തൊട്ടുമുന്‍പ് ഏറ്റവും വലിയ ആഗ്രങ്ങളിലൊന്ന് നേടിയെടുത്ത് ദീപക്; ഇത് നവവധുവിനുള്ള സമ്മാനമോ?

ഇന്ന്, ഏപ്രില്‍ 24 ന് ദീപക് പറമ്പോലിന്റെയും അപര്‍ണ ദാസിന്റെയും വിവാഹമായിരുന്നു. പുലര്‍ച്ചെ ഗുരുവായൂര്‍ അമ്പല നടയില്‍ വച്ചാണ് വിവാഹം നടന്നത്. അതിന് സേഷം സിനിമാ സുഹൃത്തുക്കള്‍ക്ക് വേണ്ടി നീണ്ട ഒരു സത്കാരം നടത്തി. മലയാള സിനിമയിലെ ഒട്ടുമിക്ക എല്ലാ താരങ്ങളും പങ്കെടുത്ത വിവാഹ സത്കാരത്തിന്റെ ചിത്രങ്ങളും വീഡിയോകളും എല്ലാം സോഷ്യല്‍ മീഡിയയില്‍ വൈറലാണ്.

എന്നാല്‍ അപര്‍ണ ജീവിത്തിലേക്ക് എത്തുന്നതിന് മണിക്കൂറുകള്‍ മുന്‍പ് ദീപക് തന്റെ ഏറ്റവും വലിയ ആഗ്രഹങ്ങളിലൊന്ന് നേടിയെടുത്തിരുന്നു, പുതിയ ബെന്‍സ് കാര്‍!. അതിന്റെ ചിത്രങ്ങളും വീഡിയോയും ആണ് ദീപക്കിന്റെ ഇന്‍സ്റ്റഗ്രാം പേജില്‍ ഇപ്പോഴും ഹൈലൈറ്റ്. വിവാഹ ചിത്രങ്ങളൊന്നും നടന്‍ പങ്കുവച്ചിട്ടില്ല. ഏറെ നാളത്തെ സ്വപ്‌നമായിരുന്നു ഒരു ബെന്‍സ് കാര്‍ സ്വന്തമാക്കുക എന്നത്. ഫ്രണ്ട് ഗ്യാങില്‍ ആദ്യമായി ബെന്‍സ് സ്വന്തമാക്കുന്ന താരം ദീപക് ആണത്രെ.

മെര്‍സിഡീസ് ബെന്‍സിന്റെ ലക്ഷ്വറി കോംപാക്ട് എസ്യുവി മോഡലായ GLA 200d എന്ന മോഡലാണ് ദീപക് പറമ്പോല്‍ സ്വന്തമാക്കിയത്. 2019 മോഡല്‍ GLA കോംപാക്ട് എസ്യുവിയാണിത്. 65.91 ലക്ഷം രൂപ എക്‌സ്-ഷോറൂം വിലയ്ക്കാണ് ഈ മോഡല്‍ വിപണിയില്‍ വില്‍പ്പനയ്ക്ക് എത്തിയിരുന്നത്. എന്നാല്‍ എത്ര ലക്ഷത്തിനാണ് ദീപക് വണ്ടി സ്വന്തമാക്കിയത് എന്ന് വ്യക്തമല്ല.


അപര്‍ണയ്ക്കുള്ള സമ്മാനമാണോ ഈ കാര്‍ എന്ന് ചോദിക്കുന്നവരുണ്ട്. ഗുരുവായൂര്‍ ക്ഷേത്രത്തില്‍ വച്ചുള്ള താലികെട്ട് ചടങ്ങ് കഴിഞ്ഞതിന് ശേഷം ഈ ബെന്‍സില്‍ ആണ് ദീപക് മടങ്ങിയത്. ഏറെ നാളത്തെ പ്രണയും, സ്വപ്‌ന വാഹനവും ഏകദേശം ഒരേ സമയത്ത് നേടിയിരിക്കുകയാണ് ഇപ്പോള്‍ ദീപക്

വിനീത് ശ്രീനിവാസന്റെ മലര്‍വാടി ആട്‌സ് ക്ലബ്ബ് എന്ന ചിത്രത്തിലൂടെ അഭിനയാരങ്ങേറ്റം കുറിച്ച നടന്‍, ചെറിയ ചെറിയ വേഷങ്ങളിലൂടെ ഇന്റസ്ട്രിയില്‍ തന്റേതായ സ്ഥാനം കണ്ടെത്തുകയായിരുന്നു. ഏറ്റവും ഒടുവില്‍ റിലീസ് ചെയ്ത കണ്ണൂര്‍ സ്വ്കാഡ്, മഞ്ഞുമ്മല്‍ ബോയ്‌സ് പോലുള്ള സിനിമകള്‍ ദീപക്കിന്റെ കരിയറിലെ വലിയൊരു ബ്രേക്ക് ആണ്.