രൺവീറും ദീപികയും വിവാഹിതരായി

ബോളിവുഡിൽ ഏറെ ആഘോഷിക്കപ്പെട്ട ദീപിക-രൺവീര്‍ പ്രണയം ഒടുവിൽ സഫലമായി. രൺവീര്‍ സിങ്ങും ദീപിക പദുക്കോണും ഇറ്റലിയിൽ വിവാഹിതരായി. ലേക്ക് കോമോയിൽ വച്ച് ദീപികയുടെ മതാചാരപ്രകാരമായിരുന്നു വിവാഹചടങ്ങുകള്‍ നടന്നത്. കൊങ്ങിണി രീതിയാണത്. വരുന്ന ബുധനാഴ്ച രൺവീറിന്‍റെ മതാചാരപ്രകാരം സിന്ധി രീതിയിലുള്ള വിവാഹചടങ്ങുകള്‍ കൂടി നടക്കും.

വിവാഹത്തിലേക്ക് എല്ലാവര്‍ക്കും പ്രവേശനം നൽകിയിരുന്നില്ല. ക്ഷണം ലഭിച്ചവരുടെ ഫോണിൽ ഒരു ക്യൂ.ആര്‍ കോഡ് ഉണ്ടാകും. അത് സ്കാൻ ചെയ്ത് മാത്രമായിരുന്നു അതിഥികളെ ഹാളിലേക്ക് ആനയിച്ചിരുന്നത്. അഞ്ച് വര്‍ഷത്തെ പ്രണയത്തിനൊടുവിലാണ് ഇരുവരും വിവാഹിതരാകുന്നത്. രൺവീറും ദീപികയുമായുളള ബന്ധം ബോളിവുഡിൽ അങ്ങാടിപാട്ടായിരുന്നു.

എങ്കിലും ആദ്യമൊന്നും ഇരുവരും ഒന്നും തുറന്നു പറഞ്ഞിരുന്നില്ല. രൺബീ‍ർ കപൂറുമായി നേരത്തെ പ്രണയത്തിലായിരുന്നു ദീപിക. എന്നാൽ 'ആ കപ്പൽ കര വിട്ടു' എന്നാണ് ദീപിക രൺബീറുമായുള്ള ബന്ധത്തെക്കുറിച്ച് പറഞ്ഞിട്ടുള്ള്. 'അയാളെ ഞാന്‍ കയ്യോടെ പിടികൂടി', പ്രണയത്തിൽ ആത്മാര്‍ത്ഥത പുലര്‍ത്തിയെങ്കിലും വഞ്ചിക്കപ്പെട്ടുവെന്ന് മാധ്യമങ്ങളോട് അന്ന് തുറന്ന് പറഞ്ഞിട്ടുമുണ്ട് ദീപിക.


Readmore: ആദ്യം വഞ്ചന, പിന്നെ പ്രണയം; രൺവീർ - ദീപിക പ്രണയകഥയറിയാം

Readmore: ദീപികയുടെയും രൺവീറിൻ്റെയും വിവാഹക്ഷണ പത്രിക കിട്ടിയോ?