പഠിച്ചത് പന്ത്രണ്ടാം ക്ലാസ് വരെ മാത്രമെന്ന് ദീപിക പദുകോൺ

ബോളിവുഡ് നടി ദീപിക പദുകോണ്‍ ഇന്ന് വിജയത്തിന്‍റെ പടവുകള്‍ ഒരോന്നായി പിന്നിടുകയാണ്. ഹോളിവുഡ് അരങ്ങേറ്റത്തിനു ശേഷം ബോളിവുഡിലേക്ക് ദീപിക എത്തുന്നത് സഞ്ജയ് ലീലാ ബന്‍സാലിയുടെ പത്മാവതിയിലൂടെയാണ്. ജീവിതത്തില്‍ താന്‍ നേരിട്ടിരുന്ന വെല്ലുവിളികളെ കുറിച്ച് ദീപിക പലപ്പോഴും മനസ്സ് തുറന്നിട്ടുണ്ട്.

ഗ്ലാമറിന്‍റെയും പ്രശസ്തിയുടെയും വെള്ളിവെളിച്ചത്തില്‍ നില്‍ക്കുമ്പോള്‍ മാനസികമായി താന്‍ വിഷാദരോഗത്തോട് പൊരുതുകയായിരുന്നു എന്നവര്‍ നേരത്തേ വ്യക്തമാക്കിയത് ഏറെ ചര്‍ച്ചയായിരുന്നു. കഴിഞ്ഞദിവസം ചലച്ചിത്രതാരം ഹേമമാലിനിയുടെ ആത്മകഥയുടെ പ്രകാശനച്ചടങ്ങിനെത്തിയപ്പോഴാണ് താരം വീണ്ടും വ്യക്തിജീവിതത്തെ കുറിച്ച് സംസാരിച്ചത്.

പ്രശസ്തിയിലേക്ക് ഉയര്‍ന്നപ്പോള്‍ പല സുഹൃത്തുക്കളും തന്നോട് അകലം പാലിച്ചുവെന്ന് ദീപിക പറയുന്നു. ഒരുകൂട്ടര്‍ അകലം പാലിച്ചപ്പോള്‍ സ്‌കൂള്‍ പഠനകാലത്തെ സുഹൃത്തുക്കള്‍ തന്നോട് സൗഹൃദത്തോടെ പെരുമാറി. ''ഒരു സെലിബ്രിറ്റിയിലേക്കുള്ള വളര്‍ച്ചക്കിടയില്‍ വിദ്യാഭ്യാസം പാതിവഴിയില്‍ നിര്‍ത്തേണ്ടി വന്നു. ഞാന്‍ കോളേജില്‍ പോയിട്ടില്ല. പന്ത്രണ്ടാം ക്ലാസ് വരെ മാത്രമാണ് പഠിക്കാന്‍ സാധിച്ചത്. അപ്പോഴേക്കും മോഡലിങ്ങില്‍ ശ്രദ്ധ കേന്ദ്രീകരിക്കേണ്ടതായി വന്നു''. ദീപിക പറയുന്നു. വിദ്യാഭ്യാസം തുടരാന്‍ കഴിയാതെ വന്നതില്‍ തന്‍റെ രക്ഷിതാക്കള്‍ക്കും വിഷമമുണ്ടെന്നും ദീപിക കൂട്ടിച്ചേര്‍ത്തു.

Deepika Padukone: I am just a 12th pass

Actor Deepika Padukone said she believes romantic relationships are complicated and it is difficult to find a partner who understands one’s success and passion.