ദീപ്‌-വീര്‍ വിവാഹത്തിൻ്റെ ആദ്യ ചിത്രങ്ങള്‍

ഏറെ ആകാംക്ഷയോടെ കാത്തിരുന്ന രണ്‍വീര്‍ സിങ്ങിൻ്റേയും ദീപികപദുക്കോണിൻ്റേയും വിവാഹചിത്രങ്ങൾ പുറത്തു വന്നു. വിവാഹ ചടങ്ങുകളുടെ രണ്ടു ചിത്രങ്ങളാണ് സോഷ്യൽ മീഡിയയിൽ പങ്ക് വെച്ചത്. വിവാഹശംസകളര്‍പ്പിച്ച് ഹൃത്വിക്ക് റോഷന്‍ ചിത്രം ഷെയര്‍ ചെയ്യ്തിട്ടുണ്ട്. സോഷ്യൽ മീഡിയയിലെ ട്രെൻ്റിങ് ലിസ്റ്റിൽ ദീപിക വെഡ്സ് രണ്‍വീര്‍ , ദീപ്‍വീര്‍ വെഡ്ഡിംഗ് 'എന്നുമൊക്കെയുള്ള ഹാഷ്‍ടാഗുകള്‍ ഇടം പിടിച്ചിരുന്നു

ഇറ്റലിയിലെ കോമോയിലെ വില്ല ഡെല്‍ ബാല്‍ബിയാനെല്ലോയില്‍ റിസോട്ടിലായിരുന്നു വിവാഹ ചടങ്ങുകൾ നടന്നത്. കുടുംബാംഗങ്ങളും അടുത്ത സുഹൃത്തുക്കളും മാത്രമാണ് ചടങ്ങിനെത്തിയത്. ചടങ്ങിൽ മാധ്യമങ്ങള്‍ക്കും വിലക്കേര്‍പ്പെടുത്തിയിരുന്നു. വിവാഹത്തിന് സമ്മാനങ്ങള്‍ വേണ്ടെന്നും പകരം ചാരിറ്റി ഫൗണ്ടേഷനിലേക്ക് സംഭാവന നല്‍കിയാല്‍ മതിയെന്നും ഇരുവരും വ്യക്തമാക്കിയിരുന്നു