ധര്‍മ്മജന്റെ വാക്കുകള്‍
ദിലീപിന് എതിരായ ആരോപണങ്ങള്‍ പോലീസ് തെളിയിക്കട്ടെ. കേസിനെക്കുറിച്ച് എനിക്ക് ഇപ്പോളൊന്നും പറയാനില്ല. കോടതിയാണ് തീരുമാനം എടുക്കേണ്ടത്. ഓണ്‍ലൈനില്‍ വരുന്ന വാര്‍ത്തകളൊന്നും ഞാന്‍ വിശ്വസിക്കുന്നില്ല. നിയമം നിയമത്തിന്റെ വഴിക്ക് പോവട്ടെ. കുറ്റം ചെയ്തവര്‍ക്ക് ശിക്ഷ കിട്ടണം. കുറ്റം ചെയ്തിട്ടുണ്ടോയെന്ന് കോടതി തീരുമാനിക്കട്ടെയെന്നായിരുന്നു ധര്മ്മജന് പറഞ്ഞത്.
നന്ദികേട് കാണിക്കാനാവില്ല
എന്നെ സിനിമയില്‍ കൊണ്ടുവന്നത് ദിലീപാണ്. അദ്ദേഹത്തോട് നന്ദികേട് കാണിക്കാന്‍ എനിക്ക് സാധിക്കില്ല. ദിലീപിനോട് ഇപ്പോഴും സ്‌നേഹമുണ്ടെന്നും ധര്മ്മജന് പറഞ്ഞിരുന്നു. ദിലീപ് ജാമ്യത്തിലിറങ്ങിയപ്പോള്‍ സ്വീകരിക്കാനായി ധര്‍മ്മജനും എത്തിയിരുന്നു. ദിലീപിനെ കെട്ടിപ്പിടിച്ച് പൊട്ടിക്കരയുന്ന ധര്‍മ്മജന്റെ വീഡിയോ സമൂഹമാധ്യമങ്ങളിലൂടെ വ്യാപകമായി പ്രചരിച്ചിരുന്നു. നാദിര്‍ഷയാണ് ദിലീപിന് ജാമ്യം ലഭിച്ചുവെന്നറിയിച്ചത് എന്നും അങ്ങനെയാണ് അദ്ദേഹത്തെ കാണാനായി എത്തിയതെന്നും അന്ന് ധര്മ്മജന് വ്യക്തമാക്കിയിരുന്നു.
ചേട്ടനെപ്പോലെയാണ്
ദിലീപിനെ മൂത്ത ചേട്ടനെപ്പോലെയായാണ് കാണന്നത്. ആരെന്തൊക്കെ പറഞ്ഞാലും അദ്ദേഹം ഇങ്ങനെയൊരു കാര്യം ചെയ്യില്ലെന്നാണ് താന്‍ വിശ്വസിക്കുന്നതെന്നും നടന്‍ പറഞ്ഞിരുന്നു. മിമിക്രി പരിപാടികളിലൂടെയായി ശ്രദ്ധിക്കപ്പെട്ട ധര്മ്മജന് പാപ്പി അപ്പച്ചായിലൂടെയായാണ് ബിഗ് സ്‌ക്രീനില്‍ അരങ്ങേറിയത്. സിനിമയിലെത്തിയതിന് ശേഷവും സ്റ്റേജ് പരിപാടികളില്‍ സജീവമാണ് ധര്മ്മജന്.
ബിസിനസിലും
സിനിമയ്ക്ക് പുറമെ ബിസിനസിലും സജീവമാണ് ധര്മ്മജന്. ധര്‍മൂസ് ഫഇഷ് ഹബ് എന്ന പേരിലാണ് അദ്ദേഹം മീന്‍കട തുടങ്ങിയത്. വളരെ മുന്‍പേ തന്നെ ബിസിനസിനെക്കുറിച്ചുള്ള ആശയം മനസിലുണ്ടായിരുന്നുവെന്ന് താരം പറഞ്ഞിരുന്നു. താരങ്ങളെല്ലാം പുതിയ തുടക്കത്തില്‍ ധര്മ്മജന് ആശംസ അറിയിച്ചെത്തിയിരുന്നു.