സാബു ആയിരിക്കണം ബിഗ് ബോസ് വിജയി ; ദിയ

ബിഗ് ബോസ് മലയാളം റിയാലിറ്റി ഷോയില്‍ അര്‍ഹതയുളളവരെ വോട്ട് ചെയ്ത് വിജയിപ്പിക്കണമെന്നും മത്സരാര്‍ത്ഥിയായ സാബു വിജയിക്കണമെന്നാണ് താന്‍ ആഗ്രഹിക്കുന്നതെന്നും മത്സരത്തില്‍ നിന്ന് പുറത്തായ ദിയ സന. ഫേസ്ബുക്ക് ലൈവിലൂടെയാണ് ദിയ തന്‍റെ ആഗ്രഹം തുറന്നടിച്ചത്.

മത്സരാര്‍ത്ഥിയായിരുന്ന അര്‍ച്ചന വിജയിക്കണമെന്നാണ് താന്‍ ആഗ്രഹിച്ചതെന്നും അവര്‍ പുറത്തായ സ്ഥിതിക്ക് സാബുവിജയിക്കണമെന്നാണ് തന്‍റെ വ്യക്തിപരമായ ആഗ്രഹമെന്നും ദിയ പറയുന്നു. ബിഗ് ബോസിലുണ്ടായ ദിനങ്ങളില്‍ തനിക്ക് ഒരുപാട് സൗഹൃദങ്ങള്‍ ലഭിച്ചുവെന്നും ആരുടെയും വ്യക്തിപരമായ കാര്യങ്ങളില്‍ ഉത്തരം പറയാന്‍ താന്‍ ബാധ്യസ്ഥയല്ലെന്നും അവര്‍ വ്യക്തമാക്കുന്നു.

റിയാലിറ്റി ഷോ വിജയകരമായി മുന്നേറുന്നതിനിടെ പ്രേക്ഷകരുടെ അവസാനഘട്ട വോട്ടിങ് പുരോഗമിക്കുകയാണ്. ഏറ്റവുമൊടുവിൽ അര്‍ച്ചന സുശീലൻ കൂടി പുറത്തായതോടെ സാബുമോൻ, പേളി മാണി, ശ്രീനിഷ്, അരിസ്റ്റോ സുരേഷ്, അതിഥി റായ്, ഷിയാസ് എന്നിവരാണ് അവസാന മത്സരത്തിൽ മാറ്റുരയ്ക്കുന്നത്.