ദിലീപും കാവ്യയും ആവണംകോട് സരസ്വതീക്ഷേത്രത്തിൽ; വീഡിയോ കാണാം

അങ്കമാലി നെടുമ്പാശ്ശേരിയിലുള്ള ആവണംകോട് സരസ്വതീക്ഷേത്രത്തിൽ ദര്‍ശനത്തിനായെത്തിയ നടൻ ദിലീപിന്‍റേയും കാവ്യ മാധവന്‍റേയും വീഡിയോ വൈറലാകുന്നു. നവരാത്രി മഹോത്സവത്തിന്‍റെ ഭാഗമായാണ് ഇരുവരും ക്ഷേത്രത്തിൽ എത്തിയത്. പത്തുദിവസം നീണ്ടുനിൽക്കുന്ന മഹോത്സവം ഒക്ടോബർ എട്ടിനാണ് സമാപിക്കുന്നത്. 29 ന് ആരംഭിച്ച നവരാത്രി മഹോത്സവം ദിലീപാണ് ഉദ്ഘാടനം നിര്‍വ്വഹിച്ചത്.

Also Read: കാവ്യ എത്തിയില്ല; ലാല്‍ ജോസിന്‍റെ മകളുടെ വിവാഹത്തിനെത്തിയത് മീനാക്ഷിയും ദിലീപും


ദിലീപും കാവ്യയും ക്ഷേത്രത്തിൽ ദര്‍ശനം നടത്തുന്ന വീഡിയോ ജ്യോതിഷ പണ്ഡിതൻ ഹരി പത്തനാപുരം ആണ് സമൂഹമാധ്യമത്തിലൂടെ പങ്കുവച്ചിട്ടുള്ളത്.

Also Read:ഇതൊക്കെ കൊണ്ടാണ് കാവ്യ, മലയാളി പ്രേക്ഷകരുടെ മനസിൽ നിറഞ്ഞു നിൽക്കുന്നത്

വീഡിയോയ്ക്കൊപ്പം ഹരികുറിച്ചിരിക്കുന്ന വാക്കുകള്‍ ഇങ്ങനെയാണ്:

''നടൻ ദിലീപിന്‍റെ ബാല്യകാലത്ത് പുസ്തകങ്ങൾ പൂജയ്ക്ക് വെക്കാനായി വീടിന് സമീപമുള്ള ക്ഷേത്രത്തിലായിരുന്നു എത്തിയിരുന്നത്. വളരെ പ്രസിദ്ധമായ സരസ്വതി ക്ഷേത്രമാണ് നെടുമ്പാശ്ശേരി ആവണംകോട്ക്ഷേത്രം.

Also Read: ദിലീപ്-കാവ്യ താരദമ്പതികളുടെ പുതിയ ചിത്രം വൈറൽ

ദിലീപും കാവ്യാമാധവനും ഈ ക്ഷേത്രത്തിലെത്തി പ്രാർത്ഥിച്ച് വഴിപാടുകൾ നടത്തി. വിജയദശമി ദിവസം ഇവിടെ പ്രഗൽഭരായ ആളുകൾ കുട്ടികളെ എഴുത്തിനിരുത്തും. മിക്കവാറും ഈ ക്ഷേത്രത്തിൽ എഴുത്തിനിരുത്താൻ ഞാനും ഉണ്ടാകും.''