കാവ്യക്ക് മധുരം നൽകി വിവാഹ വാര്‍ഷികം ആഘോഷിച്ച് ദിലീപ്

ബാങ്കോക്കിലെ പ്രഫസ‍ർ ഡിങ്കൻ്റെ സെറ്റിൽ രണ്ടാം വിവാഹ വാ‍ർഷികം ആഘോഷിച്ച് ദിലീപ്. സെറ്റിലെ അംഗങ്ങള്‍ക്കൊപ്പം കേക്ക് മുറിച്ചായിരുന്നു ആഘോഷം. സംവിധായകന്‍ രാമചന്ദ്ര ബാബു,റാഫി, എന്നിവരും ആഘോഷത്തില്‍ പങ്കെടുത്തു. കാവ്യക്കും ദിലീപിനും കുഞ്ഞു പിറന്നതിൻ്റെ ഇരട്ടി സന്തോഷത്തിലാണ് വിവാഹ വാ‍ർഷികാഘോഷം. മൂന്നു കേക്കുകളാണ് ദിലീപ് മുറിച്ച് സെറ്റിലുള്ളവ‍ർക്ക് നൽകിയത്.

2016 നവംബര്‍ 25നായിരുന്നു മാധ്യമങ്ങളുടേയും അടുത്ത സുഹൃത്തുക്കളുടേയും സാന്നിധ്യത്തിൽ ജനപ്രിയ താരജോഡികളുടെ വിവാഹം. പ്രിയപ്പെട്ട താരദമ്പതികൾക്ക് ആശംസ നേര്‍ന്ന് ആരാധകരും രംഗത്തെത്തിയിട്ടുണ്ട്. പട്ടായ, ബാങ്കോക്ക്, തായ്‍ലന്‍ഡ് എന്നിവിടങ്ങളിൽ പുരോഗമിക്കുന്ന ഷൂട്ടിംഗുമായി ജനുവരി അഞ്ചുവരെ ദിലീപ് വിദേശത്തായിരിക്കും. ഛായാഗ്രാഹകനായ രാമചന്ദ്രബാബു ആദ്യമായി സംവിധാനം ചെയ്യുന്ന ചിത്രമാണ് പ്രഫസ‍ർ ഡിങ്കൻ. റാഫിയാണ് തിരക്കഥ ഒരുക്കുന്നത്. നമിതാ പ്രമോദ്, അജു വര്‍ഗീസ്, സുരാജ് വെഞ്ഞാറമൂട്, സൃന്ദ എന്നിവരും ചിത്രത്തിലുണ്ട്