ദിലീപ് 'കിംഗ് ലയറെന്ന് പ്രോസിക്യൂഷൻ ഹൈക്കോടതിയിൽ

കൊച്ചി: നടിയെ ആക്രമിച്ച കേസിൽ അറസ്റ്റിലായ നടൻ ദിലീപ് 'കിംഗ് ലയറാ'ണെന്ന് പ്രോസിക്യൂഷൻ. ദിലീപിന്‍റെ ജാമ്യാപേക്ഷയിൽ വാദം തുടരുകയാണ്. സുനിയെ അറിയില്ലെന്നും ഗൂഢാലോചന നടത്തിയിട്ടില്ലെന്നുമുള്ള ദിലീപിന്‍റെ വാദം തെറ്റാണെന്ന് പ്രോസിക്യൂഷൻ വാദിച്ചു.

തൃശൂർ ടെന്നീസ് ക്ലബ്ബിലെ ജീവനക്കർ ഇരുവരെയും ഒന്നിച്ച് കണ്ടിട്ടുണ്ട്. ദിലീപിന്‍റെ ഭാര്യ കാവ്യ മാധവന്‍റെ ഡ്രൈവർ നൽകിയ മൊഴി ദിലീപിന് എതിരാണ്. നടിയും സുനിയും തമ്മിലുള്ള അസ്വാരസ്യങ്ങളാണ് ആക്രമണത്തിലേക്ക് നയിച്ചതെന്ന് പ്രതിഭാഗം ഇന്നലെ വാദിച്ചിരുന്നു.

ടവര്‍ ലൊക്കേഷന്‍ മൂന്നു കിലോമീറ്റര്‍ വരെയുണ്ടാകാം. അതിനാൽ ഒരേ ടവർ ലൊക്കേഷനിൽ ഇരുവരും വന്നുവെന്നത് തെളിവായി കാണാൻ പറ്റില്ലെന്ന് പ്രതിഭാഗം വാദിച്ചിരുന്നു. ഹോട്ടലില്‍ ഒരുമിച്ചുണ്ടായിരുന്നു എന്നത് ഗൂഢാലോചനയുടെ തെളിവായി പരിഗണിക്കാനാകില്ലെന്നും പ്രതിഭാഗം ഇന്ന് കോടതിയിൽ വാദിച്ചു.

Dileep is a 'King liar'says Prosecution

In actress attack case, prosecution refers actor Dileep as, 'King Liar'