ഹണിമൂണിന് ശേഷം ദിലീപും കാവ്യയും അമേരിക്കയിലേക്ക്

ദുബായ്‍യിലെ ഹണിമൂണിന് ശേഷം ദിലീപും കാവ്യയും അമേരിക്കയിലേക്ക്. തന്‍റെ പേരിൽ നടക്കുന്ന ഒരു ഷോയ്ക്ക് വേണ്ടിയാണ്‌ കുടുംബ സമേതം അമേരിക്കയിലേക്ക് പറക്കുന്നതെന്നും ഇത് ഹണിമൂൺ ട്രിപ്പ് അല്ലെന്നുമാണ് ദിലീപ് പറയുന്നത്.

മകള്‍ മീനാക്ഷിയുടെ സൗകര്യം കൂടി കണക്കിലെടുത്താണ് യാത്ര നിശ്ചയിച്ചിരിക്കുന്നത്. ദിലീപ് ഷോ 2017 എന്ന് പേരിട്ടിരിക്കുന്ന പരിപാടി ദിലീപിന്‍റെ സുഹൃത്തും സംവിധായകനുമായ നാദിര്‍ഷയാണ് സംവിധാനം ചെയ്യുന്നത്. ഷോയുടെ റിഹേഴ്‌സല്‍ കൊച്ചിയില്‍ ഇടയ്ക്കിടെ നടക്കുന്നുണ്ട്.

വരുന്ന ഏപ്രില്‍ 28 മുതല്‍ മേയ് 28 വരെ ഒരു മാസമാണ് പരിപാടി. അമേരിക്കയിലെ വിവിധ സ്ഥലങ്ങളിൽ പരിപാടികള്‍ അരങ്ങേറും. ഏപ്രിലില്‍ മീനാക്ഷിക്ക് വേനലവധിയാണ്. അത് കൂടി കണക്കിലെടുത്താണ് പരിപാടി തയ്യാറാക്കിയത്.

നടി നമിതാപ്രമോദ്, റിമിടോമി, ധര്‍മജന്‍, രമേഷ് പിഷാരടി, വിഷ്ണു ഉണ്ണികൃഷ്ണന്‍, ബിബിന്‍ ജോര്‍ജ്, ഏലൂര്‍ ജോര്‍ജ് തുടങ്ങിയവരും മറ്റ് താരങ്ങളും പരിപാടിയില്‍ പങ്കെടുക്കും. ദിലീപിന്‍റെ സുഹൃത്തും അമേരിക്കൻ മലയാളിയുമായ വ്യവസായ പ്രമുഖനാണ് പരിപാടി ഒരുക്കുന്നത്.

dileep to team up with kavya, namitha next year. Dileep is coming up with a mega project next year that will have Kavya Madhavan, Namitha Pramod and will be directed by Nadirshah.