അബിയുടെ വീട്ടില്‍ നടന്‍ ദിലീപ് എത്തി

അന്തരിച്ച ചലച്ചിത്ര താരം അബിയുടെ വീട്ടിൽ ദിലീപെത്തി. അബിയുടെ മൂവാറ്റുപുഴയിലെ വീട്ടിലേക്കാണ് ദിലീപ് എത്തിയത്. ദിലീപ് വീട്ടിലെത്തുമ്പോള്‍ ഷെയിന്‍ നിഗവും അടുത്ത ബന്ധുക്കളും വീട്ടിലുണ്ടായിരുന്നു.

ദിലീപിന്റെ സാന്ത്വന വാക്കുകള്‍ കേട്ടെങ്കിലും ഒന്നു പറയാന്‍ ഷെയിനിന് ആയില്ല. അബിയും ദിലീപും നാദിര്‍ഷയും മിമിക്രിയിൽ ഒരുമിച്ചു തിളങ്ങിയവരാണ്. ദേ പുട്ടിൻ്റെ ദുബായ് ശാഖയുടെ ഉദ്ഘാടനത്തിന് ശേഷമാണ് ദിലീപ് ഇവിടെ എത്തിയത്. അബി, നാദിര്‍ഷ, ദിലീപ് കൂട്ടുകെട്ടിന്റെ ദേ മാവേലി കൊമ്പത്ത് എന്ന ഓഡിയോ കാസറ്റ് 90കളില്‍ കേരളത്തില്‍ സൂപ്പര്‍ ഹിറ്റായിരുന്നു. ചെറിയ വേഷങ്ങളില്‍ ഒതുങ്ങിപ്പോയ അബി സിനിമയില്‍ നിന്ന് തന്നെ പിന്‍വാങ്ങി.