'കമ്മാരസംഭവം' ഗാനപ്രകാശന ചടങ്ങിൽ വികാരധീനനായി ദിലീപ്

ഇത് രണ്ടാം ജന്മത്തിലെ ആദ്യവേദിയാണ് എല്ലാവരെയും കാണാന് സാധിച്ചതിൽ നന്ദിയുണ്ട്. കമ്മാര സംഭവത്തിലെ താടിവെച്ച ലുക്ക് പിറന്നത് മൂന്നു മാസത്തെ സുനാമിയിൽ നിന്നാണ്. സിനിമയിൽ അഞ്ച് ലുക്കിലാണ് എത്തുന്നത്. അതിൽ മെയിൻ ആയി വരുന്നത് മൂന്ന് ലുക്ക് ആണ്. ഒന്ന് വയസനായിട്ടും പിന്നെ ഗാനരംഗത്തിൽ വരുന്ന ലുക്കും. പിന്നെ ഉള്ള എന്ത് ലുക്ക് വേണം എന്ന് ആലോചിച്ചു ഇരിക്കുമ്പോഴാണ് വലിയ ഒരു സുനാമിയിൽ പെട്ട് പോകുന്നത്. ആ മൂന്നുമാസം കൊണ്ട് ഉണ്ടാക്കി എടുത്ത ലുക്ക് ആണ് താടി വച്ച സിനിമയിലെ ആ ലുക്ക്. ഒരു പാട് പ്രാവശ്യം ഈ കഥയുമായി രതീഷ് അമ്പാട്ട് തന്‍റെ പിന്നാലെ നടന്നിരുന്നു. ഈ സിനിമ ഒരു വലിയ സംഭവമാക്കി തീര്‍ത്തത് രതീഷിന്‍റെ ക്ഷമ തന്നെയാണ്. നടൻ സിദ്ധാര്‍ഥിന്‍റെ നല്ല മനസുകൊണ്ടാണ് ഈ സിനിമ സംഭവിച്ചത്. ഒരു പാട് ചിത്രങ്ങൾ മാറ്റി വെച്ചാണ് അദ്ദേഹം ഈ സിനിമയിൽ അഭിനയിക്കാൻ എത്തിയത്. മുരളി ഗോപിയോടുമുള്ള കടപ്പാട് മറക്കാൻ സാധിക്കില്ല. തന്നെ എപ്പോഴും നില നിര്‍ത്തിയത് പ്രേക്ഷകരാണ്. അവരോട് മാത്രമാണ് തനിക്ക് കടപ്പാട്.