ഹൊറർ നോവലോ മായാജാല കഥയോ അല്ല, ഇത് ഇന്ത്യയിലാണ്; അനുരാജിന്‍റെ കുറിപ്പ്

ഉത്തര്‍ പ്രദേശിൽ നിന്നും വീണ്ടുമൊരു നടുക്കുന്ന വാര്‍ത്ത പുറത്തുവന്നിരിക്കുകയാണ്. കാൺപുരിൽ ഭദ്രാസിൽ ആറുവയസുകാരിയെ കൂട്ടബലാത്സംഗം ചെയ്ത് കൊലപ്പെടുത്തിയ സംഭവത്തിൽ നടുക്കം രേഖപ്പെടുത്തിയിരിക്കുകയാണ് ഇഷ്ക് എന്ന സിനിമൊയൊരുക്കിയ സംവിധായകൻ അനുരാജ് മനോഹര്‍. ഇന്ത്യയിലെ ഏറ്റവും വൃത്തികെട്ട സംസ്ഥാനമാണ് ഉത്തർ പ്രദേശെന്ന് വീണ്ടും വീണ്ടും തെളിയിക്കുന്നതാണ് ഇത്തരം സംഭവങ്ങളെന്ന് അദ്ദേഹം ഫേസ്ബുക്കിൽ പങ്കുവെച്ച കുറിപ്പിൽ വ്യക്തമാക്കിയിരിക്കുകയാണ്.

Also Read: ഖുശ്ബു സഞ്ചരിച്ച കാറിലേക്ക് കണ്ടെയ്നർ ലോറി ഇടിച്ചുകയറി; 'മുരുകൻ ഞങ്ങളെ രക്ഷിച്ചു'വെന്ന് നടിയുടെ ട്വീറ്റ്

ആറു വയസ്സുള്ള പെൺകുട്ടിയുടെ ശ്വാസകോശം കൊണ്ട് പൂജ ചെയ്‌താൽ കുട്ടികൾ ഉണ്ടാകുമെന്ന് ദിവ്യൻ പറയുന്നു. ഇത് കേട്ട് ദമ്പതികൾ ശ്വാസകോശം കൊണ്ടുവരാൻ ഗുണ്ടകൾക്ക് ക്വട്ടേഷൻ കൊടുക്കുന്നു. പോയവന്മാർ ഒരു ആറ് വയസ്സുകാരിയെ കണ്ടു പിടിച്ച് ബലാത്സംഗം ചെയ്ത് കൊന്ന് ശ്വാസകോശം പുറത്തെടുത്ത് ദമ്പതികൾക്ക് കൊടുക്കുന്നു. ഇത് ഏതെങ്കിലും ഹൊറർ നോവലോ മായാജാല കഥയിലെ ഭാഗമോ അല്ല. ഇന്ത്യയിലെ ഏറ്റവും വൃത്തികെട്ട സംസ്ഥാനമായ ഉത്തർ പ്രദേശിൽ ഇന്നലെ നടന്നതാണ്, അനുരാജ് കുറിച്ചിരിക്കുകയാണ്.

Also Read: 'തങ്കമേ... നിനക്ക് പിറന്നാൾ വാഴ്ത്തുക്കൾ'; പ്രിയപ്പെട്ടവൾക്ക് ആശംസ നേർന്ന് വിക്കി, ചിത്രം ചർച്ചയാകുന്നു!

ഇന്നലെയാണ് ഉത്തർപ്രദേശിലെ ഭദ്രാസ് ഗ്രാമത്തിൽ വനമേഖലയിൽ ആറ് വയസുകാരിയെ കൂട്ടബലാത്സംഗത്തിനിരയാക്കി ശ്വാസകോശം മൃതദേഹത്തിൽ നിന്ന് പുറത്തെടുത്ത നിലയിൽ കണ്ടെത്തിയത്. അന്വേഷണത്തിലാണ് ദുരാചാരത്തിന്‍റെ ഭാഗമായി നടന്ന ഈ അരുകൊല പുറംലോകമറിഞ്ഞത്. രാജ്യത്തെ നടുക്കിയ ഹാഥ്രസ് പീഡനത്തിന് പിന്നാലെയാണ് വീണ്ടും യു.പിയിൽ ഇത്തരത്തിൽ പീഡന വാര്‍ത്തകള്‍ പുറത്തുവന്നിരിക്കുന്നത്.