ജെ.സി ഡാനിയേൽ പുരസ്കാരം ഹരിഹരന്

സംസ്ഥാന സര്‍ക്കാരിന്റെ പരമോന്നത ചലച്ചിത്ര പുരസ്കാരമായ ജെ.സി ഡാനിയേല്‍ പുരസ്കാരം സംവിധായകന്‍ ഹരിഹരന്. മലയാള സിനിമയ്ക്ക് നല്‍കിയ സമഗ്ര സംഭാവനയ്ക്കാണ് പുരസ്കാരം. എംടി വാസുദേവന്‍ നായര്‍ അധ്യക്ഷനായ സമിതിയാണ് ഹരിഹരനെ പുരസ്കാരത്തിന് തിരഞ്ഞെടുത്തത്. അഞ്ച് ലക്ഷം രൂപയും പ്രശസ്തി പത്രവും ശില്‍പ്പവും അടങ്ങുന്നതാണ് പുരസ്കാരം.

Also Read: 'ആ വിവാഹമോചനം ആരുടെയും കുറ്റമല്ല', മറ്റൊരു വിവാഹത്തെക്കുറിച്ച് ചിന്തിക്കുന്നില്ലെന്നും റിമി ടോമി

1965 മുതല്‍ സിനിമ രംഗത്ത് സജീവമായിരുന്നു ഹരിഹരന്‍. സഹ സംവിധായകനായിട്ടായിരുന്നു തുടക്കം. പിന്നീട് 1972ല്‍ ലേഡീസ് ഹോസ്റ്റല്‍ എന്ന ചിത്രത്തിലൂടെ സംവിധായകനായി മാറി. പിന്നീട് കോളേജ് ഗേള്‍, അയലത്തെ സുന്ദരി, രാജഹംസം, ഭൂമിദേവി, പുഷ്പിണിയായി, പഞ്ചാഗ്നി, നഖക്ഷതങ്ങള്‍, സര്‍ഗം, ഒരു വടക്കന്‍ വീരഗാഥ, പഴശ്ശിരാജ തുടങ്ങി മലയാള സിനിമയുടെ ചരിത്രത്തില്‍ അടയാളപ്പെടുത്തിയ നിരവധി ചിത്രങ്ങള്‍ ഒരുക്കി.

Also Read: റിമയേയും രമ്യയേയും കണ്ട സന്തോഷത്തില്‍ നവ്യ; ഫെമിനിസ്റ്റ് ആവരുത് എന്ന് കമന്റ്, കുറിക്കുള്ള മറുപടി നല്‍കി നടി!

1988 ല്‍ പുറത്തിറങ്ങിയ വടക്കന്‍ വീരഗാഥയ്ക്ക് നാല് ദേശീയ അവാര്‍ഡും ആറ് സംസ്ഥാന അവാര്‍ഡും ലഭിച്ചു. സര്‍ഗത്തിനും മികച്ച സംവിധായകനടക്കം മൂന്ന് സംസ്ഥാന ചലച്ചിത്ര പുരസ്കാരങ്ങള്‍ നേടി. പരിണയത്തിന് നാല് ദേശീയ അവാര്‍ഡ് ലഭിച്ചു. പഴശ്ശിരാജയെ തേടിയും നാല് ദേശീയ പുരസ്കാരങ്ങളും എട്ട് സംസ്ഥാന പുരസ്കാരങ്ങളുമെത്തി.