അഞ്ച് സംവിധായകർ അഞ്ച് സിനിമകൾ
അഞ്ച് ഹ്രസ്വ ചിത്രങ്ങളുടെ സമാഹാരമായാണ് പുത്തം പുതു കാലൈ പുറത്തിറങ്ങുന്നത്. രാജ്യവ്യാപകമായുള്ള ലോക്ഡൗണിന്‍റെ സമയത്ത് ചിത്രീകരിച്ച ഈ ആന്തോളജിയിലെ ഓരോ ചിത്രവും പ്രണയം, പുതിയ തുടക്കം, അവസരങ്ങള്‍, പ്രതീക്ഷ തുടങ്ങിയ ആശയങ്ങളെ കേന്ദ്രീകരിച്ചുള്ളതാണ്. ഇവയെല്ലാം പുതിയ തുടക്കം എന്ന പൊതു ആശയത്തെ സമര്‍ഥമായി കോര്‍ത്തിണക്കി അവതരിപ്പിച്ചിരിക്കുകയാണ്.
Also Read: ജോര്‍ജുകുട്ടിയും കുടുംബവും ആറ് വര്‍ഷങ്ങള്‍ക്ക് ശേഷം; പിള്ളേര് വലുതായപ്പോ അച്ഛനും അമ്മയും ചെറുപ്പമായോ എന്ന് ആരാധകർ!
ആ മോഷണം ഞങ്ങൾ സിനിമയാക്കി!
ആന്തോളജിയിൽ കാര്‍ത്തിക് സുബ്ബരാജ് സംവിധാനം നിര്‍വ്വഹിച്ചിരിക്കുന്ന മിറക്കിള്‍ എന്ന ചിത്രത്തില്‍ ബോബി സിംഹ, മുത്തു കുമാര്‍ എന്നിവരാണ് അഭിനയിക്കുന്നത്. ഈ സിനിമയിലേക്ക് എത്തിയതെങ്ങനെ എന്നതിനെ കുറിച്ച് പ്രെസ് കോൺഫറൻസിനിടെ കാര്‍ത്തിക് മനസ്സ് തുറക്കുയുണ്ടായി. കൊവിഡ് കാലത്ത് ബോബി സിംഹയും കുടുംബവും കൊടൈക്കനാലിലേക്ക് പോയ സമയത്ത് ചെന്നൈയിലെ ഓഫീസിൽ ഒരു മോഷണം നടന്നു. ഈ സംഭവമാണ് ഞങ്ങള്‍ സിനിമയാക്കിയതെന്നാണ് കാര്‍ത്തിക് പറഞ്ഞത്. എന്നാൽ ഇതിലെ രസകരമായ കാര്യം സിനിമയിൽ കള്ളനായി അഭിനയിക്കുന്നത് ബോബി തന്നെയാണെന്നും കാര്‍ത്തിക് വെളിപ്പെടുത്തിയിരിക്കുകയാണ്.
നിരവധി താരങ്ങൾ
സുധ കൊങ്ങര സംവിധാനം ചെയ്തിരിക്കുന്ന ഇളമൈ ഇതോ ഇതോ എന്ന ചിത്രത്തില്‍ ജയറാം, കാളിദാസ് ജയറാം, ഉര്‍വശി, കല്യാണി പ്രിയദര്‍ശന്‍ എന്നിവരാണ് അഭിനയിക്കുന്നത്. ഗൗതം വാസുദേവ് മേനോന്‍ സംവിധാനം ചെയ്തിരിക്കുന്ന അവരും നാനും/അവളും നാനും എന്ന ചിത്രത്തില്‍ എം.എസ്. ഭാസ്‌കര്‍, റിതു വര്‍മ്മ എന്നിവര്‍ അഭിനയിക്കുന്നു.
ഒക്ടോബർ 16ന് റിലീസ്
സുഹാസിനി മണിരത്‌നം സംവിധാനവും അഭിനയവും നിര്‍വഹിച്ചിരിക്കുന്ന കോഫീ എനിവണ്‍? എന്ന ചിത്രത്തില്‍ അനു ഹാസന്‍, ശ്രുതി ഹാസന്‍ എന്നിവരാണ് കഥാപാത്രങ്ങള്‍. രാജീവ് മേനോന്‍ സംവിധാനം ചെയ്തിട്ടുള്ള റീയൂണിയന്‍ എന്ന ചിത്രത്തില്‍ ആന്‍ഡ്രിയ, ലീല സാംസണ്‍, സിക്കില്‍ ഗുരുചരണ്‍ എന്നിവരാണ് അഭിനയിച്ചിരിക്കുന്നത്.
Also Read: പുതിയ കാലത്തിന്റെ, ലോക്ക്ഡൗണ്‍ കാലത്തിന്റെ കഥകളുമായി 'പുത്തം പുതു കാലെെ'; ട്രെയിലര്