പ്രണയം വില്ലനായി; മഞ്ജുവിന് നഷ്ടമായ മമ്മൂട്ടി ചിത്രം

മെഗാസ്റ്റാര്‍ മമ്മൂട്ടിയും ലേഡി സൂപ്പര്‍ സ്റ്റാര്‍ മഞ്ജു വാര്യരും ഒന്നിച്ചുള്ള സിനിമയ്ക്കായി ഒന്നിച്ചുള്ള സിനിമക്കായി കാത്തിരിക്കുകയാണ് സിനിമ ലോകം. നായിക വേഷങ്ങളിൽ നിറഞ്ഞു നിന്നപ്പോൾ മഞ്ജുവിനെത്തേടി മമ്മൂട്ടിയുടെ നായിക വേഷം എത്തിയിരുന്നു. ലാൽ ജോസാണ് അത്തരമൊരു സന്ദർഭത്തെക്കുറിച്ച് ഒരു അഭിമുഖത്തിൽ മനസ് തുറന്നത്. ലാൽജോസ് ആദ്യമായി സംവിധാനം ചെയ്ത് മമ്മൂട്ടി നായകനായ ഒരു മറവത്തൂർ കനവിൽ നായികയാകേണ്ടിയിരുന്നത് മഞ്ജു ആയിരുന്നു. ദിലീപുമായുള്ള പ്രണയം സിനിമക്ക് വില്ലനായതായി ലാൽ ജോസ് പറയുന്നു.

ലാൽജോസിൻ്റെ ചിത്രത്തിൽ അഭിനയിച്ചാൽ ദിലീപുമായുള്ള കൂടിക്കാഴ്ചയ്ക്ക് അവസരമുണ്ടാകുമെന്നു ഭയന്ന് മഞ്ജുവിൻ്റെ അച്ഛൻ മറവത്തൂർ കനവിൽ അഭിനയിക്കാൻ അനുവദിച്ചില്ല. 'കുടമാറ്റ'ത്തിനു ശേഷം ദിലീപ് നായകനാകുന്ന സിനിമകളില്‍ അഭിനയിക്കുന്നത് മഞ്ജുവിന്റെ അച്ഛന്‍ വിലക്കിയിരുന്നതായി ലാൽ ജോസ് പറഞ്ഞു. മോഹൻലാലിലും ജയറാമിനും, സുരേഷ് ഗോപിക്കൊപ്പ തുല്യപ്രധാന്യമുള്ള വേഷങ്ങളിൽ അഭിനയിച്ചെങ്കിലും മെഗാസ്റ്റാറിനൊപ്പം ഒരൊറ്റ ചിത്രവും ലേഡി സൂപ്പർ സ്റ്റാറിന് ചെയ്യാൻ കഴിഞ്ഞിട്ടില്ല. രണ്ടാംവരവിലും ഇതുവരെ മമ്മൂട്ടിയുടെ നായികായാകാനുള്ള ഭാഗ്യം മഞ്ജുവാര്യർക്കു ലഭിച്ചിട്ടില്ല.