ഹിറ്റുകളൊരുക്കിയ സംവിധായകൻ
പാസഞ്ചര്‍ എന്ന സിനിമയിലൂടെ മലയാള സിനിമാലോകത്ത് വരവറിയിച്ച സംവിധായകനാണ് രഞ്ജിത്ത് ശങ്കര്‍. അർജുനൻ സാക്ഷി, മോളി ആന്‍റി റോക്ക്, പുണ്യാളൻ അഗര്‍ബത്തീസ്, വര്‍ഷം, സുസു സുധി വാത്മീകം, പ്രേതം, രാമന്‍റെ ഏദൻ തോട്ടം, പുണ്യാളൻ പ്രൈ.ലിമിറ്റഡ്, ഞാൻ മേരിക്കുട്ടി, പ്രേതം2, കമല എന്നിവയാണ് അതിനുശേഷം രഞ്ജിത്ത് ഒരുക്കിയ ചിത്രങ്ങള്‍.
ഒരു ബിഗ് സല്യൂട്ട്
സാമൂഹിക വിഷയങ്ങളിലുള്‍പ്പെടെ അഭിപ്രായം പങ്കുവയ്ക്കാറുള്ള അദ്ദേഹം ഇപ്പോള്‍ പുതിയൊരു കുറിപ്പുമായി എത്തിയിരിക്കുകയാണ്. “റേഷനരി കൂട്ടി ചോറുണ്ടു. സൂപ്പർ മാർക്കറ്റ് അരിയേക്കാൾ എല്ലാം കൊണ്ടും മികച്ചത്. ഇന്നത്തെ ഈ പൊതു വിതരണ ക്വാളിറ്റിക്ക് സർക്കാരിന് ഒരു ബിഗ് സല്യൂട്ട്!,” രഞ്ജിത് ശങ്കർ ഫെയ്സ്ബുക്കിൽ കുറിച്ചിരിക്കുന്നത് ഇങ്ങനെയാണ്. നിരവധി പേർ അദ്ദേഹത്തിന്‍റെ പോസ്റ്റിന് താഴെ കമന്‍റുകളുമായി എത്തിയിട്ടുണ്ട്.
Also Read: ഗഫൂര്‍ കാ ദോസ്തിൻ്റെ കിടിലൻ മേക്കോവർ; മോളി കണ്ണമ്മാലിക്ക് ശേഷം സൈബറിടത്തിൽ തരംഗമായി മാമൂക്കോയ!
ആദ്യമായി റേഷൻ കടയിൽ പോയി
ആദ്യമായി റേഷൻ കടയിൽ പോയ വിശേഷവും കഴിഞ്ഞ ദിവസം അദ്ദേഹം പങ്കുവെച്ചിരുന്നു. ആദ്യമായി റേഷൻ കടയിൽ പോയി. ഫിംഗർ സ്കാനിങ്ങ് അടക്കം കംപ്ലീറ്റ് കംപ്യൂട്ടറൈസ്ഡ് സെറ്റപ്പ് .നമ്മുടെ പൊതു വിതരണ സൗകര്യങ്ങൾ ഉപയോഗിക്കുക ,പണം ലാഭിക്കുക എന്നായിരുന്നു അന്ന് റേഷൻ കടയിൽ നിന്ന് ലഭിച്ച ബില്ലടക്കം അദ്ദേഹം പങ്കുവെച്ചിരുന്നത്.
അടിമുടി തൃശൂർകാരൻ
തൃശൂർ സ്വദേശിയായ രഞ്ജിത്ത് എം. എ. കോളേജ് ഓഫ് എഞ്ജിനീയറിംഗിൽ നിന്നാണ് ബിരുദം നേടിയത്. ടെലിവിഷൻ പരമ്പരകൾക്ക് വേണ്ടിയാണ് ആദ്യമായി തിരക്കഥകളൊരുക്കിയത്. നിഴലുകൾ, അമേരിക്കൻ ഡ്രീംസ് എന്നീ പരമ്പരകള്‍ക്ക് സിനിമയിലെത്തും മുമ്പ് തിരക്കഥയൊരുക്കിയിട്ടുണ്ട്. ഇടയ്ക്കിടയക്ക് തന്‍റെ വീട്ടുവിശേഷങ്ങളുമായുള്ള പോസ്റ്റുകള്‍ അദ്ദേഹം ഫേസ്ബുക്കിൽ പങ്കുവയ്ക്കാറുമുണ്ട്.
Also Read: കാർമേഘങ്ങൾ ഒഴിഞ്ഞു; 'വെയിൽ' ചിത്രീകരണം തീർന്ന സന്തോഷത്തിൽ ജോബിയും ഷെയ്‍നും