എനിക്ക് കിട്ടിയത് സ്വപ്നം കണ്ട നല്ലപാതിയെ! ആനിക്ക് പിറന്നാള്‍ ആശംസകളുമായി ഷാജി കൈലാസ്

സോഷ്യൽമീഡിയ ലോകത്ത് ഏറെ ആരാധകരുള്ള ഭാര്യയും ഭര്‍ത്താവുമാണ് സംവിധായകൻ ഷാജി കൈലാസും നടിയും അവതാരകയുമായ ആനിയും. ഇപ്പോഴിതാ ആനിയുടെ ജന്മദിനത്തിൽ ഹൃദയം കൊണ്ടെഴുതിയൊരു കുറിപ്പ് ഫേസ്ബുക്കിൽ പങ്കുവെച്ചിരിക്കുകയാണ് ഷാജി കൈലാസ്.

Also Read: തമിഴകത്തിന്‍റെ 'നടിപ്പിന്‍ നായകന്‍'! 45ന്‍റെ നിറവിൽ സൂര്യ

"സ്വപ്നം കണ്ട പോലൊരു നല്ലപാതിയെ ലഭിക്കുക എന്നത് ഒരു അനുഗ്രഹമാണ്, അത് ചിലപ്പോള്‍ എല്ലാവര്‍ക്കും ലഭിച്ചെന്ന് വരില്ല, പക്ഷെ എനിക്ക് ലഭിച്ചു. എന്നെ സന്തോഷിപ്പിക്കുന്നതെന്നെന്നും സങ്കടപ്പെടുത്തുന്നത് എന്തെന്നും അവള്‍ക്കറിയാം. സന്തോഷത്തിലും സങ്കടത്തിലുമൊക്കെ അവള്‍ എന്നോടൊപ്പം ഉണ്ടാകും. നിന്നോട് എനിക്കുള്ള സ്നേഹവും കരുതലും പ്രകടിപ്പിക്കാനൊക്കെ ഈയൊരു ആശംസ മാത്രം മതിയാക്കില്ല, പ്രിയപ്പെട്ട ആനിക്ക് ജന്മദിനാശംസകള്‍, ഷാജി കൈലാസ് ആനിയുടെ 45-ാം ജന്മദിനത്തിൽ ഫേസ്ബുക്കിൽ കുറിച്ചിരിക്കുകയാണ്.

Also Read: 'ഒടുവിൽ എൻഗേജ്ഡ്', മോതിരം മാറുന്നതിനിടെ പൊട്ടിച്ചിരിച്ച് ശാലിനി; നിതിൻ്റെ വിവാഹമുന്നൊരുക്കം ഇങ്ങനെ!

1993 ല്‍ 'അമ്മയാണെ സത്യം' എന്ന സിനിമയിലൂടെയാണ് ആനി അഭിനയത്തിലേക്കെത്തിയത്. പതിനഞ്ചോളം സിനിമകളിൽ അഭിനയിച്ചു. 96ൽ കിരീടമില്ലാത്ത രാജാക്കന്മാരാണ് ഒടുവിൽ അഭിനയിച്ച ചിത്രം. ഷാജി കൈലാസുമായുള്ള വിവാഹത്തോടെയാണ് അഭിനയ രംഗത്തോട് വിട പറഞ്ഞത്. ദൂരദര്‍ശനിൽ ചിത്രഗീതത്തിന്‍റെ അവതാരകയായിരുന്നു. അമൃത ടിവിയിൽ ആനിയുടെ രുചിക്കൂട്ടുകള്‍, ആനീസ് കിച്ചൺ എന്നീ പരിപാടികളുടെ അവതാരകയുമാണ്.

Also Watch :