സംവിധായകൻ യതീന്ദ്രദാസ് അന്തരിച്ചു; വിടവാങ്ങിയത് അവസാന സിനിമ പൂര്‍ത്തിയാകും മുമ്പ്

ചലച്ചിത്ര സംവിധായകൻ യതീന്ദ്രദാസ് അന്തരിച്ചു, തൃശൂരിലെ സ്വകാര്യ ആശുപത്രിയിലായിരുന്നു അന്ത്യം. 74 വയസ്സായിരുന്നു. നിമ്മിയാണ് ഭാര്യ. സംസ്കാരം നാളെ തൃശൂരില്‍ നടക്കും. എ. വിൻസന്റ്, സേതുമാധവൻ, ബാലുമഹേന്ദ്ര, ബി.കെ. പൊറ്റക്കാട് മുതലായ സംവിധായകരോടൊപ്പം നിരവധി കാലം സഹസംവിധായകനായിരുന്നു.

Also Read: കാതിൽ കൂടുകൂട്ടിയ ഓണം! ആ ഓണപ്പാട്ടുകള്‍ മറക്കാനാവില്ലെന്ന് ജസ്റ്റിനും രഞ്ജിനും

മമ്മൂട്ടി, നെടുമുടി വേണു, ചിത്ര, ജലജ എന്നിവർ അഭിനയിച്ച 'ഒടുവിൽ കിട്ടിയ വാർത്ത', വേണു നാഗവള്ളി, കവിയൂർ പൊന്നമ്മ, ബേബി അഞ്ജു, ബാലൻ കെ നായർ, ബാബു നമ്പൂതിരി, ശാന്തി കൃഷ്ണ എന്നിവർ അഭിനയിച്ച ഓമനത്തിങ്കൾ എന്നീ സിനിമകൾ സംവിധാനം ചെയ്തു, ഓമനത്തിങ്കൾ രചനയും യതീന്ദ്രദാസ് ആയിരുന്നു.

Also Read: 130 കിലോ ഉയര്‍ത്തി പൃഥ്വിരാജ്; ഉപദേശവുമായി ആരാധകര്‍, വീഡിയോ

നെടുമുടി വേണു, ഭരത് ഗോപി, കൊട്ടാരക്കര ശ്രീധരൻ നായർ, ശർമിള, ബാലൻ കെ നായർ, അടൂര്‍ ഭാസി, എന്നിവർ അഭിനയിച്ച സ്വപ്നരാഗം സംവിധാനം ചെയ്‌തെങ്കിലും നിർമ്മാതാവ് കൂടിയായ ഇദ്ദേഹത്തിന് ചിത്രം പുറത്തിറക്കാൻ സാധിച്ചില്ല. സായ് കുമാർ അടക്കം അഭിനയിക്കുന്ന ഉൾക്കനൽ എന്ന സിനിമ ചിത്രീകരണം പൂർത്തിയാക്കി ഡബ്ബിംഗ് നടക്കവേയാണ് നിനച്ചിരിക്കാതെയുള്ള യതീന്ദ്രദാസിന്റെ വിടവാങ്ങൽ.