നിന്‍റെ കൈപിടിച്ച് ചേർന്ന് നടക്കുമ്പോൾ അഭിമാനം; ദിവ്യ ഉണ്ണി

മലയാളികളുടെ എക്കാലത്തേയും പ്രിയ നടിമാരിൽ ഒരാളാണ് ദിവ്യ ഉണ്ണി. ഇപ്പോൾ ദിവ്യയുടെ മടങ്ങിവരവിനായുള്ള കാത്തിരിപ്പിലാണ് ആരാധകരും. ദിവ്യ പങ്കുവയ്ക്കുന്ന ചിത്രങ്ങൾക്ക് ലഭിക്കുന്ന പ്രതികരണത്തിൽ നിന്നും മനസിലാക്കാം പ്രേക്ഷക മനസിൽ ദിവ്യക്കുള്ള സ്ഥാനം എത്രമാത്രമാണെന്ന്. സാമൂഹ്യ മാധ്യമങ്ങളിൽ താരം പങ്കുവയ്ക്കുന്ന ചിത്രങ്ങളെല്ലാം നിമിഷം നേരംകൊണ്ട് തന്നെ ആരാധകർ ഏറ്റെടുക്കാറുണ്ട്. സിനിമയിൽ നിന്ന് വിട്ടുനിന്നുവെങ്കിലും നൃത്തത്തിൽ സജീവമാണ് ദിവ്യ.

ആദ്യ ഭർത്താവിൽ നിന്നും വിവാഹമോചനം നേടിയ ദിവ്യ അടുത്തിടെയായിരുന്നു രണ്ടാമതും വിവാഹിതയായത്. മുംബൈ മലയാളിയായ അരുൺ കുമാറാണ് ജീവിതസഖി. അമേരിക്കയിൽ സ്ഥിരതാമസക്കാരനാണ് അരുൺകുമാറും. അതീവ രഹസ്യമായി അമേരിക്കയിലെ ഹൂസ്റ്റണിൽ വെച്ചായിരുന്നു വിവാഹം. ഏവരെയും അമ്പരിപ്പിച്ച് കൊണ്ടായിരുന്നു ആ വിവാഹ വാർത്ത സാമൂഹ്യമാധ്യമങ്ങളിൽ പരന്നത്.

കഴിഞ്ഞ ദിവസമായിരുന്നു അരുൺകുമാറിന്‍റെ പിറന്നാൾ. പിറന്നാൾ ദിനത്തിൽ ദിവ്യ പങ്കിട്ട ചിത്രവും കുറിപ്പുമാണ് ഇപ്പോൾ സാമൂഹ്യ മാധ്യമങ്ങളിൽ വൈറലാകുന്നത്. ''നിന്‍റെ കൈയും പിടിച്ചു നടക്കുന്നതിൽ അഭിമാനം ഉണ്ടെന്നും നിന്‍റെ ആഗ്രഹങ്ങൾ സാധിക്കാൻ എല്ലാവിധ ഭാവുകങ്ങളും..'' എന്നാണ് ദിവ്യ ഫേസ്ബുക്കിൽ കുറിച്ചത്.