കമ്മട്ടിപ്പാടത്തിലെ യഥാര്‍ഥ നായകന്മാര്‍ ഇവരാണെന്ന് ദുല്‍ഖര്‍

അവാര്‍ഡ് കരസ്ഥമാക്കിയ വിനായകനെയും മണികണ്ഠനെയും അനുമോദിച്ച്‌ ദുല്‍ഖര്‍ സല്‍മാന്‍. സിനിമാ പ്രേമികളുടെ ഫേസ്‍‍ബുക്ക് കൂട്ടായ്മയായ സിനിമാ പാരഡീസോ ക്ലബിന്‍റെ പുരസ്കാരമാണ് ഇരുവരും സ്വന്തമാക്കിയത്. കമ്മട്ടിപ്പാടത്തിലെ അഭിനയത്തിനാണ് ഇരുവര്‍ക്കും പുരസ്കാരം കിട്ടിയത്. വിനായകനെ മികച്ച നടനായി തെരഞ്ഞെടുത്തപ്പോള്‍ മണികണ്ഠൻ സഹനടനുള്ള പുരസ്ക്കാരം നേടി.

ചിത്രത്തിലെ പ്രകടനത്തിന് വിനായകനും മണികണ്ഠനും അംഗീകാരം ലഭിച്ചതില്‍ താന്‍ ഏറെ സന്തോഷവാനാണെന്നും ഇത് തന്‍റെ ഹൃദയം നിറയുകയാണെന്നും ദുല്‍ഖര്‍ ഫേസ്‍‍ബുക്കില്‍ കുറിച്ചു.

ദുല്‍ഖറിന്‍റെ ഫേസ്‍‍ബുക്ക് കുറിപ്പിന്‍റെ പൂര്‍ണരൂപം വായിക്കാം

കമ്മട്ടിപ്പാടത്തിലെ അഭിനയത്തിന് വിനായകന്‍ ചേട്ടനും മണികണ്ഠന്‍ ചേട്ടനും അംഗീകാരവും സ്നേഹവും ലഭിക്കുന്നത് കാണുമ്പോള്‍ എന്‍റെ ഹൃദയം സന്തോഷം കൊണ്ട് നിറയുന്നു.

അവരില്‍ നിന്ന് ഒരുപാട് കാര്യങ്ങള്‍ പഠിക്കാനും ആ ചിത്രത്തിന്‍റെ ഭാഗമാകാനും സാധിച്ചത് എനിക്ക് ലഭിച്ച അനുഗ്രഹമാണ്. ആ സിനിമയുടെ തുടക്കം മുതലേ ഞാന്‍ പറയുമായിരുന്നു ഇവരാണ് കമ്മട്ടിപ്പാടത്തിലെ നായകന്‍മാര്‍. ഇപ്പോഴും പറയുന്നു.




Dulquer congratulating Vinayakan and Manikandan

Dulquer congratulating Vinayakan and Manikandan for winning award for Cenema Paradiso Club