'തന്നേക്കാൾ പ്രായം കുറഞ്ഞ വാപ്പച്ചി'ക്ക് പിറന്നാൾ ആശംസിച്ച് കുഞ്ഞിക്ക

അറുപത്തിയാറാം വയസ് പിറന്നാൾ ആഘോഷിക്കുന്ന മലയാളത്തിന്‍റെ മെഗാസ്റ്റാറിന് പിറന്നാളാശംസ നേര്‍ന്ന് മകനും നടനുമായ ദുൽഖര്‍ സൽമാൻ. തന്‍റെ ഫേസ്ബുക്കിലൂടെ വാപ്പച്ചിക്കൊപ്പമുള്ള ഒരു ചിത്രം പങ്കുവെച്ച് കൊണ്ടാണ് ദുൽഖര്‍ പിറന്നാളാശംസ നേര്‍ന്നിരിക്കുന്നത്. എന്നെന്നും തന്നെക്കാൾ ചെറുപ്പവും ശാന്തനുമായ വാപ്പച്ചിയ്ക്ക് പിറന്നാൾ ആശംസകൾ എന്നാണ് തലക്കെട്ടായി താരം കുറിച്ചിരിക്കുന്നത്.




രണ്ടുപേരും കൂളിങ് ഗ്ലാസ് വച്ച് എടുത്ത സെൽഫി ചിത്രം ഫേസ്ബുക്കിൽ വൈറലാകുകയാണ്. മിനിട്ടുകൾക്ക് മുൻപ് ഫേസ്ബുക്കിൽ പ്രത്യക്ഷപ്പെട്ട ഫോട്ടോയ്ക്ക് ഇതിനോടകം അറുപതിനായിരത്തിലേറെ ലൈക്കുകളും രണ്ടായിരത്തിലധികം ഷെയറുകളും ലഭിച്ചു. മമ്മൂട്ടിയുടെയും ദുൽഖറിന്‍റെയും സൗന്ദര്യത്തെ താരതമ്യം ചെയ്തും മറ്റുമുള്ള രസകരമായ കമൻറുകളും ആരാധകര്‍ കുറിക്കുന്നുണ്ട്. സിനിമാ സഹപ്രവർത്തകരും സുഹൃത്തുക്കളും ആരാധകരുമൊക്കെ മെഗാസ്റ്റാറിന് ആശംസകളുമായി എത്തുന്നുണ്ട്.

Dulquer has the coolest wish for dearest vappichi Mammootty

Happy birthday Mammootty: Dulquer Salmaan has the coolest wish for dearest vappichi