മലയാളത്തിൻ്റെ മെഗാസ്റ്റാര് മമ്മൂട്ടിയും ഭാര്യ സുല്ഫത്തും ഇപ്പോഴും സുന്ദരമായി പ്രണയിക്കുകയാണെന്ന് മകനും നടനുമായ ദുൽഖര് സൽമാൻ. ഒന്നരവര്ഷത്തിന് ശേഷം ദുൽഖര് സൽമാൻ നായകനായ മലയാള ചിത്രം ഒരു യമണ്ടൻ പ്രേമകഥ തീയേറ്ററുകളിലെത്തിയത് കഴിഞ്ഞ ആഴ്ചയാണ്. ചിത്രം തീയേറ്ററുകളിൽ വിജയകരമായി മുന്നേറുകയാണ്. ചിത്രത്തിൻ്റെ പ്രൊമോഷൻ്റെ ഭാഗമായി താരം നൽകിയ ഒരു അഭിമുഖത്തിലാണ് ദുൽഖര് തൻ്റെ മാതാപിതാക്കൾ ഇപ്പോഴും സുന്ദരമായി പ്രണയിക്കുകയാണെന്ന് വ്യക്തമാക്കിയത്. യഥാര്ഥ ജീവിതത്തിലെ യമണ്ടന് പ്രണയകഥ എതെന്നുള്ള ചോദ്യത്തിനാണ് മമ്മൂട്ടി വാപ്പച്ചിയെയും ഉമ്മച്ചിയെയും ചൂണ്ടിക്കാട്ടിയത്. വീട്ടില് ഞാനും അമാലും അതുപോലെ സഹോദരിയും ഭര്ത്താവുമാണ് യുവ ദമ്പതികളായിട്ടുള്ളത്. എന്നാല് ഞങ്ങളെ പോലെ തന്നെയാണ് വാപ്പിച്ചിയും ഉമ്മച്ചിയും. പരസ്പരം കണ്ടില്ലെങ്കില് വിഷമിച്ചിരിക്കുക, എപ്പോഴും ഫോൺ ചെയ്യുക. അങ്ങനെ പ്രണയത്തിൻ്റെ പുതുമയാണ് എപ്പോഴും.
അമാൽ എന്നെ ഫോണ് വിളിക്കുന്നതിനേക്കാള് കൂടുതൽ അവര് തമ്മിൽ ഫോണ്വിളിക്കാറുണ്ടാകും. ഒന്നാമത് അമാല് കുഞ്ഞിൻ്റെ കാര്യങ്ങള് നോക്കുന്നതില് തിരക്കായിരിക്കും. അതിനിടെ സമയം കിട്ടുമ്പോള് വിളിക്കും. കുഞ്ഞ് വന്ന ശേഷം ഫോണ്വിളിയും കുറഞ്ഞു. പക്ഷേ അവർ എപ്പോഴും ബിസിയാണ്. വാപ്പിച്ചി സംസാരിച്ച് ഫോണ് വെയ്ക്കുമ്പോഴേക്കും അടുത്ത കോള് വരും. സെറ്റില് ഫുള്ടൈം ഫോണിലാണ്. ഉമ്മച്ചിയായിരിക്കും അപ്പുറത്ത്. ദുൽഖര് പറഞ്ഞു.
അമാൽ എന്നെ ഫോണ് വിളിക്കുന്നതിനേക്കാള് കൂടുതൽ അവര് തമ്മിൽ ഫോണ്വിളിക്കാറുണ്ടാകും. ഒന്നാമത് അമാല് കുഞ്ഞിൻ്റെ കാര്യങ്ങള് നോക്കുന്നതില് തിരക്കായിരിക്കും. അതിനിടെ സമയം കിട്ടുമ്പോള് വിളിക്കും. കുഞ്ഞ് വന്ന ശേഷം ഫോണ്വിളിയും കുറഞ്ഞു. പക്ഷേ അവർ എപ്പോഴും ബിസിയാണ്. വാപ്പിച്ചി സംസാരിച്ച് ഫോണ് വെയ്ക്കുമ്പോഴേക്കും അടുത്ത കോള് വരും. സെറ്റില് ഫുള്ടൈം ഫോണിലാണ്. ഉമ്മച്ചിയായിരിക്കും അപ്പുറത്ത്. ദുൽഖര് പറഞ്ഞു.