'വോ ഹൂൂ... ഇനി അഞ്ചു മില്യണുള്ള കുടുംബം'; കൊറോണക്കാലത്തെ സന്തോഷം പങ്കുവെച്ച് ദുൽഖർ!

കൊറോണ ഭീതിയിൽ രാജ്യത്ത് ലോക്ക് ഡൌൺ പ്രഖ്യാപിച്ചതോടെ താരങ്ങൾ ഉൾപ്പെടെയുള്ളവർ വീട്ടിനുള്ളിൽ കുടുംബാംഗങ്ങൾക്കൊപ്പം സമയം ചെലവിടുകയാണ്. വീട്ടിനുള്ളിലെ നേരംപോക്കിൻ്റെ ചിത്രങ്ങളും വീഡിയോകളുമൊക്കെ താരങ്ങൾ സോഷ്യൽ മീഡിയയിലൂടെ ആരാധകരുമായി പങ്കുവെക്കാറുമുണ്ട്.

Also Read: ജോര്‍ദ്ദാനിൽ നിന്നൊരു ഈസ്റ്ററാശംസ! 'ആടുജീവിതം' ലൊക്കേഷനിൽ നിന്നും ബ്ലെസി

തെന്നിന്ത്യയിൽ ഏറെ ശ്രദ്ധേയനായ താരപുത്രൻ ദുൽഖർ സൽമാനും ഇത്തരത്തിൽ വീട്ടിൽ ക്വാറൻ്റൈൻ കാലം ആസ്വദിക്കുകയാണ്. വീട്ടിൽ അടുക്കളയിൽ സഹായിക്കുന്നതും മകൾ മറിയം അമീറയ്ക്കൊപ്പം കളിക്കുന്നതുമൊക്കെ താരം ആരാധകരുമായി പങ്കുവെച്ചുകഴിഞ്ഞു. അതിന് പിന്നാലെ ഈ കൊറോണക്കാലത്തെ മറ്റൊരു സന്തോഷം പങ്കുവെക്കുകയാണ് ദുൽഖർ സൽമാനിപ്പോൾ.

Also Read: ലോക്ക് ഡൗണിനിടെ വിരുന്നെത്തിയ ഈസ്റ്റർ; ആശംസകളുമായി താരങ്ങളും!

തൻ്െ ഇൻസ്റ്റാഗ്രാമിലെ ഫോളോവേഴ്സിൻ്റെ എണ്ണം അഞ്ച് മില്യൺ കഴിഞ്ഞെന്നും ഇതിന് എല്ലാ പിന്തുണയും സ്നേഹവും നൽകി കൂടെ നിന്ന ആരാധകർക്ക് നന്ദിയും പറഞ്ഞെത്തിയിരിക്കുകയാണ് ദുൽഖർ സൽമാൻ. ഇന്ന് നമ്മൾ അഞ്ചു മില്യണുള്ള കുടുംബമാണെന്നാണ് ആശ്ചര്യം പ്രകടമാക്കിക്കൊണ്ട് താരം കുറിച്ചിരിക്കുന്നത്.

Also Read: 'ക്രിസ്ത്യന്‍ പെണ്ണായത് കൊണ്ട് മാത്രം'; അയല്‍ക്കാരില്‍ നിന്നുമുണ്ടായ അനുഭവം തുറന്ന് പറഞ്ഞ് നടി

ഇൻസ്റ്റാഗ്രാം തനിക്ക് ഏറെ പ്രിയപ്പെട്ടതാണെന്നും ഒരുപാട് ദൂരം താണ്ടാനുണ്ടെന്നും ജീവിതത്തിലെ ചില സന്തോഷങ്ങൾ എന്നും അതുപോലെ നിൽക്കുമെന്നുമൊക്കെ ഹാഷ്ടാഗായി താരം ഈ സന്തോഷ വാർത്ത പങ്കുവെച്ചുകൊണ്ട് കുറിച്ചിട്ടുണ്ട്. ആശംസകളറിയിച്ചും സന്തോഷം പ്രകടമാക്കിയും ആരാധകർക്കൊപ്പം താരങ്ങളും കമൻ്റ് ബോക്സുകളിൽ പ്രത്യക്ഷപ്പെട്ടിട്ടുണ്ട്.

Also Read: പരുക്കേറ്റ പരുന്തിനെ ആശുപത്രിയിലെത്തിച്ച് ദിഷ; ലോക്ക്ഡൗണിലാകാത്ത മനുഷ്യത്വത്തിന് കെെയ്യടി