ഇന്ത്യൻ നേവി യൂണിഫോമിൽ മരണമാസ് ലുക്ക്; പുത്തൻ ചിത്രം പുറത്ത് വിട്ട് ദുൽഖർ!

മലയാളികളുടെ പ്രിയപ്പെട്ട യുവതാരമാണ് ദുൽഖർ സൽമാൻ. താരത്തിൻ്റെ ഓരോ പുത്തൻ ചിത്രങ്ങളും വിശേഷങ്ങളുമൊക്കെ സോഷ്യൽ മീഡിയയിൽ വൈറലായി മാറാറുണ്ട്. തൻ്റെ ഫോട്ടോഷൂട്ട് ചിത്രങ്ങളും മറ്റു സിനിമാ വിശേഷങ്ങളുമൊക്കെ ആരാധകർ ഇരുകൈയ്യും നീട്ടിയാണ് സ്വീകരിക്കാറുള്ളത്. ഇപ്പോഴിതാ ദുൽഖർ പങ്കുവെച്ച പുത്തൻ ചിത്രമാണ് വൈറലായിരിക്കുന്നത്. അടുത്തിടെ പുറത്തിറങ്ങിയ മണിയറയിലെ അശോകൻ എന്ന ചിത്രം നിർമ്മിച്ചത് ദുൽഖറായിരുന്നു. ചിത്രത്തിൽ ഒരു അതിഥി കഥാപാത്രമായി ദുൽഖറും പ്രത്യക്ഷപ്പെട്ടിരുന്നു.

Also Read: സച്ചിയുടെ അവസാന തിരക്കഥ 'വിലായത്ത് ബുദ്ധ' സിനിമയാകുന്നു

ഒരു നേവി ഓഫീസറായാണ് ചിത്രത്തിൽ ദുൽഖർ പ്രത്യക്ഷപ്പെട്ടത്. അതിഥി വേഷത്തിൽ പ്രത്യക്ഷപ്പെട്ട കഥാപാത്രം നായകൻ്റെ കസിനായാണ് പ്രത്യക്ഷപ്പെട്ടത്. കേവലം രണ്ട് സീനുകളിൽ മാത്രമാണ് ദുൽഖർ പ്രത്യക്ഷപ്പെട്ടത്. ചിത്രത്തിൻ്റെ ലൊക്കേഷനിൽ നിന്നു പകർത്തിയ ഒരു കിടിലൻ ചിത്രം പങ്കുവെച്ചിരിക്കുകയാണ് ദുൽഖർ ഇപ്പോൾ. ആരാധകരൊക്കെ ചിത്രത്തെ ഇരുകൈയ്യും നീട്ടിയാണ് സ്വീകരിച്ചിരിക്കുന്നത്.

Also Read: കാത്തിരിക്കാനേറെ; പ്രതീക്ഷയേറ്റി മാലിക് ലൊക്കേഷൻ ചിത്രം!

എസ്ബികെ ഫോട്ടോഗ്രഫി പകർത്തിയ താരത്തിൻ്റെ ചിത്രത്തിന് താഴെ ആരാധകർ കമൻ്റുകളുമായി എത്തിയിട്ടുണ്ട്. എല്ലാം ഓക്കേയാണ് എന്നും പക്ഷേ ഈ ഹെയർ സ്റ്റൈലിൽ നിന്നാൽ നേവിയിൽ നിന്ന് പുറത്താക്കുമെന്ന് കുറിച്ചിരിക്കുകയാണ് ഒരു ആരാധകൻ. മലയാള സിനിമയിലെ സുന്ദരനായ നടനാണെന്നും കഴിവുറ്റ താരമാണെന്നും ആരാധകർ അഭിപ്രായപ്പെടുന്നുണ്ട്.