അമാലിനെ ചേർത്ത് നിർത്തി ഡിക്യു, ആം ബേബിയോട് ദുൽഖറിന് പറയാനുള്ളത്!

ദുൽഖർ സൽമാനും ഭാര്യ അമാൽ സൂഫിയയുമൊക്കെ ആരാധകരുടെ പ്രിയപ്പെട്ടവരാണ്. അമാലിൻ്റെ പിറന്നാളാണ് ഇന്ന്, പൃഥ്വിരാജും നസ്രിയയും അടക്കമുള്ളവർ അമാലിന് പിറന്നാളാശംസകളുമായി രംഗത്തെത്തിയിരുന്നു. നസ്രിയയും അമാലും തമ്മിൽ അടുത്ത സുഹൃത്തുക്കളാണ്, ഇവർ തമ്മിലുള്ള ചിത്രങ്ങളുമൊക്കെ സോഷ്യൽ മീഡിയയിൽ വൈറലായി മാറിയിട്ടുണ്ട്. താരങ്ങളും താരപത്നിമാരുമൊക്കെ സോഷ്യൽ മീഡിയയിൽ സജീവമായിരിക്കുന്ന കാലത്ത് അമാൽ വേറിട്ടു നിൽക്കുന്നത് സോഷ്യൽ മീഡിയയിൽ ഇല്ലാത്തതു കൊണ്ടാണ്. ദുൽഖറാണ് സോഷ്യൽ മീഡിയയിലൂടെ അമാലിൻ്റെ വിശേഷങ്ങളെല്ലാം ആരാധകരുമായി പങ്കുവെക്കാറുള്ളത്.

Also Read: ടഹാൻ്റെ ചിത്രങ്ങൾ പങ്കിട്ട് ടൊവിനോ; ഏറ്റെടുത്ത് ആരാധകർ!

ഇപ്പോഴിതാ ദുൽഖർ തൻ്റെ പ്രിയപത്നിയ്ക്ക് പിറന്നാളാശംസ നേർന്ന് രംഗത്തെത്തിയിരിക്കുകയാണ്. അമാലിനെ ചേർത്തു നിർത്തിക്കൊണ്ടുള്ള ചിത്രം പങ്കുവെച്ചുകൊണ്ടാണ് ദുൽഖർ ആശംസ പങ്കുവെച്ചിരിക്കുന്നത്. 'എൻ്റെ ആമിന് ഏറ്റവും സന്തോഷത്തോടെയുള്ള പിറന്നാള്‍ ആശംസകള്‍ അറിയിക്കുന്നു. ഈ ലോക്ഡൗൺ സമയത്ത് നമുക്ക് ഒരുമിച്ച് കൂടുതൽ സമയം ചെലവഴിക്കാനായി. അതാണ് ഈ കാലത്ത് സംഭവിച്ച ഏറ്റവും നല്ല കാര്യം. ജീവിതത്തിലെ വിലമതിക്കുന്ന സമയമാണ് അത്.'

Also Read: ''തെങ്ങും തൈ പ്രൊപ്പോസൽ' സീൻ കേട്ടപ്പോൾ മുതൽ എക്സൈറ്റഡായിരുന്നു, ഇപ്പോൾ വിളിക്കുന്നവരൊക്കെ അതാണ് പറയുന്നത്': നയന എൽസ

'മറിയത്തിന് വേണ്ടി കെട്ടുകഥകളിലെ വേഷം വരെ അവതരിപ്പിക്കുന്നതും നമ്മുടെ പ്രിയപ്പെട്ട പരിപാടികളുമെല്ലാം വളരെ സ്‌പെഷ്യലാണ്. ഉറച്ച ഒരു പാറപോലെ കൂടെയുള്ളതിനും മറിയത്തിനെ എനിക്ക് സമ്മാനിച്ചതിനും നന്ദിയറിയിക്കുന്നു. വീണ്ടും പിറന്നാള്‍ ആശംസകള്‍ നേരുന്നു ബേബി.' ദുൽഖർ കുറിച്ചിരിക്കുന്നത് ഇങ്ങനെയാണ്. പൃഥ്വിരാജ് അമാലിന് ആശംസ അറിയിച്ചത് സുപ്രിയയ്ക്കും ദുൽഖറിനും അമാലിനുമൊപ്പമുള്ള ചിത്രം പങ്കുവെച്ചുകൊണ്ടായിരുന്നു.