ഡിക്യുവിനും അമാലിനുമൊപ്പം കുഞ്ഞു മറിയം; വീഡിയോ വൈറൽ

ദുൽഖറിനെ പോലെ തന്നെ കുഞ്ഞുമറിയത്തിനുമുണ്ട് ഒരുപിടി ആരാധകർ. സാമൂഹ്യ മാധ്യമങ്ങളിൽ പ്രചരിക്കാറുള്ള കുഞ്ഞുമാലാഖ മറിയം അമീറയുടെ ചിത്രങ്ങളും ആരാധകർ ഏറ്റെടുത്ത് ഹിറ്റാക്കാറുണ്ട്. ആരാധകരുമായി മകളുടെ വിശേഷങ്ങൾ ദുൽഖറും ഇടയ്ക്കിടെ പങ്കുവെക്കാറുണ്ട്. മമ്മൂട്ടിയുടെ സഹോദരിയുടെ മകളുടെ കല്ല്യാണത്തിനെത്തിയ കുഞ്ഞു മറിയമാണ് ഇപ്പോൾ സാമൂഹ്യമാധ്യമങ്ങളിൽ വൈറലാകുന്നത്.




വിവാഹത്തിൽ പങ്കെടുക്കാനെത്തിയ മമ്മൂട്ടിയോ ദുൽഖറോ അല്ല താരം ക്യാമറകൾ മിന്നിമറഞ്ഞപ്പോൾ കൗതുകത്തോടെ ക്യാമറ നോക്കി ചിരിക്കുന്ന കുഞ്ഞുമറിയമായിരുന്നു താരമായത്. മകളെ എടുത്ത് നീങ്ങുന്ന ദുല്‍ഖറിനെയും അമാലിനെയുമാണ് വിവാഹ വീഡിയോ ടീസറില്‍ കാണുന്നത്. ഏറെനാളത്തെ കാത്തിരിപ്പിനൊടുവില്‍ മറിയത്തെ കാണാനായതിന്‍റെ സന്തോഷത്തിലാണ് ദുല്‍ഖറിന്‍റെ ആരാധകര്‍.