ശ്രീദേവിയുടെ 'ഇംഗ്ലീഷ് വിംഗ്ലീഷി'ലെ സഹതാരം സുജാത കുമാര്‍ അന്തരിച്ചു

ബോളിവുഡ് നടി സുജാത കുമാര്‍ അന്തരിച്ചു. അന്തരിച്ച ബോളിവുഡ് സീനിയര്‍ താരം ശ്രീദേവിയുടെ തിരിച്ചു വരവ് ചിത്രമായ ഇംഗ്ലീഷ് വിംഗ്ലീഷിലെ സഹതാരമായിരുന്നു സുജാത കുമാര്‍. വളരെ നാളുകളായി അര്‍ബുദ ബാധയെ തുടര്‍ന്ന് ചികിത്സയിലായിരുന്നു. ഞായറാ‍ഴ്ച രാത്രിയാണ് സുജാത കുമാര്‍ അന്തരിച്ചത്. സുജാതയുടെ സഹോദരി നടിയും ഗായികയുമായ സുചിത്ര കൃഷ്ണമൂര്‍ത്തിയാണ് മരണ വിവരം സ്ഥിരീകരിച്ചത്.

2012ല്‍ പുറത്തിറങ്ങിയ ഇംഗ്ലീഷ് വിംഗ്ലീഷ് എന്ന ചിത്രത്തില്‍ ശ്രീദേവിയുടെ സഹോദരി മനു എന്ന കഥാപാത്രത്തെ അവതരിപ്പിച്ചത് സുജാതയായിരുന്നു. രാഞ്ഝാന, ഗുസാരിഷ് തുടങ്ങിയ ചിത്രങ്ങളിലും സുജാത ശ്രദ്ധേയമായ വേഷങ്ങള്‍ ചെയ്തിരുന്നു. ഹോട്ടല്‍ കിംഗ്സ്റ്റണ്‍, ബോംബെ ടോക്കിംഗ് തുടങ്ങിയ ടെലിവിഷന്‍ പരിപാടികളും സുജാത പങ്കെടുത്തിട്ടുണ്ട്.