എസ്‍പിബിയുടെ കുടുംബാംഗങ്ങൾ ആശുപത്രിയിൽ; മെഡിക്കൽ ബുള്ളറ്റിൻ ഉടൻ പുറത്തുവിടും

ഗായകന്‍ എസ്‍പി ബാലസുബ്രഹ്മണ്യത്തിന്‍റെ ആരോഗ്യ നില അതീവ ഗുരുതരമായി തുടരുന്നതിനിടെ അദ്ദേഹത്തിന്‍റെ കുടുംബാംഗങ്ങളെല്ലാവരും അദ്ദേഹം ചികിത്സയിൽ കഴിയുന്ന എംജിഎം ഹെൽത്ത് കെയർ ആശുപത്രിയിലെത്തി. അദ്ദേഹത്തിന്‍റെ ആരോഗ്യ നില സംബന്ധിച്ച ഏറ്റവും പുതിയ വിവരങ്ങള്‍ അടങ്ങിയ മെഡിക്കൽ ബുള്ളറ്റിൻ ആശുപത്രി ഉടൻ പുറത്തിറക്കുമെന്നാണ് സൂചന.

Also Read: എസ്.പി.ബിയെ ആശുപത്രിയിലെത്തി കണ്ട് കമല്‍ഹാസന്‍

പുലർച്ചെ ഉലകനായകന്‍ കമല്‍ഹാസന്‍ അദ്ദേഹത്തെ സന്ദര്‍ശിക്കുന്നതിനായി ആശുപത്രിയിൽ എത്തിയിരുന്നു. ആരോഗ്യ നില സംബന്ധിച്ച് ആശുപത്രി അധികൃതരോട് ചോദിച്ചറിഞ്ഞ ശേഷമാണ് അദ്ദേഹം മടങ്ങിയത്. ഇന്ന് രാവിലെ എസ്‍പിബിയുടെ ഭാര്യയും മകനുമുൾപ്പെടെ അടുത്ത കുടുംബാംഗങ്ങൾ എല്ലാവരും ആശുപത്രിയിലെത്തിയതായി തമിഴ് മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്.

അദ്ദേഹത്തിന്‍റെ ആരാധകരടക്കം ആശുപത്രിക്കു പുറത്ത് പ്രാര്‍ത്ഥനകളുമായി വന്നിട്ടുള്ളതിനാൽ അവിടെ പോലീസിനെയും വിന്ന്യസിച്ചിട്ടുള്ളതായി റിപ്പോര്‍ട്ടുകളുണ്ട്. തെലുങ്ക്, മലയാളം, കന്നഡ, ഹിന്ദി തുടങ്ങി 16 ഭാഷകളിലായി നാൽപതിനായിരത്തിലേറെ ഗാനങ്ങള്‍ ആലപിച്ചിട്ടുള്ള അദ്ദേഹത്തിന് ലോകമെങ്ങും ആരാധകരുണ്ട്. സിനിമാ ലോകം ഒന്നടങ്കവും ആരാധകരും അദ്ദേഹത്തിന്‍റെ മടങ്ങിവരവിനായി പ്രാർത്ഥനയിലാണ്.

Also Read: 'ദയവായി ആ വര്‍ത്തകള്‍ വിശ്വസിക്കരുത്'; ഇരട്ടക്കുട്ടികള്‍ക്ക് ജന്മം നല്‍കിയെന്ന് വാര്‍ത്ത, പ്രതികരിച്ച് മേഘ്ന

കൊവിഡ് ബാധിച്ച് ഓഗസ്റ്റ് 5 നായിരുന്നു അദ്ദേഹത്തെ എംജിഎം ആശുപത്രിയില്‍ പ്രവേശിപ്പിച്ചിരുന്നത്. സെപ്തംബര്‍ 22 ന് അദ്ദേഹം സുഖം പ്രാപിക്കുന്നുണ്ടെന്നും ഉടന്‍ തന്നെ ആശുപത്രി വിടുമെന്നും മകന്‍ എസ്പി ചരൺ ഇന്‍സ്റ്റഗ്രാമിലൂടെ അറിയിച്ചിരുന്നു. ഇന്നലെയാണ് അദ്ദേഹത്തിന്‍റെ ആരോഗ്യ നില വീണ്ടും വഷളായിരിക്കുന്നത്.

Also Watch :