എനിക്ക് ജീവിതം തിരിച്ചുതന്ന ദൈവം ഇതാണ്! തലനാരിഴയ്ക്ക് തൈറോയ്ഡ് ക്യാന്‍സറില്‍ നിന്നും രക്ഷപ്പെട്ടു! എന്തിനാണ് സര്‍ജറി ചെയ്തതെന്ന് ചോദിച്ചവര്‍ക്ക് താര കല്യാണിന്റെ മറുപടി

സര്‍ജറി കഴിഞ്ഞ് 10ാമത്തെ ദിവസമാണ് റിവ്യൂവിനായി ചെല്ലാന്‍ പറഞ്ഞതെന്ന് സൗഭാഗ്യ വ്യക്തമാക്കിയിരുന്നു. തൈറോയ്ഡിനെക്കുറിച്ചും താരയ്ക്ക് അതെങ്ങനെയാണ് ബാധിച്ചത് എന്നതിനെക്കുറിച്ചുമായിരുന്നു ഡോക്ടര്‍ വിശദീകരിച്ചത്. എല്ലാവര്‍ക്കും തൈറോയ്ഡുണ്ട്, ഇല്ലെങ്കിലേ കുഴപ്പമുള്ളൂ. തൈറോയ്ഡ് ഒരു രോഗമുണ്ടാക്കുമ്പോഴാണ് ശ്രദ്ധിക്കേണ്ടത്.തൈറോയ്ഡ് ഗ്രന്ഥി വികസിക്കുന്നതിനെക്കുറിച്ചാണ് ഗോയിറ്റര്‍ എന്ന് പറയുന്നത്. ചില സാഹചര്യങ്ങളില്‍ അത് ക്യാന്‍സറായി മാറിയേക്കാം.

ബ്ലഡ് ടെസ്റ്റ് നടത്തി അത് നോര്‍മ്മലാണെന്ന് കണ്ട് പലരും പിന്നീട് പരിശോധന നടത്താറില്ല. അള്‍ട്രാ സൗണ്ട് സ്‌കാനിംഗ്, എഫ്എന്‍എസി ടെസ്റ്റിലൂടെയായാണ് സര്‍ജറി വേണമോ അതോ മരുന്നിലൂടെ കുറയുമോയെന്നത് മനസിലാക്കുന്നത്. ശബ്ദം മാറിയെന്ന് പറഞ്ഞാണ് താര വന്നത്. നെഞ്ചുവരെ നീണ്ടിരുന്നു താരയുടെ ഗോയിറ്റര്‍. അതാണ് ശ്വാസതടസം വന്നത്. ഇപ്പോള്‍ നമുക്കത് മാറ്റാനായി കഴിഞ്ഞു. സര്‍ജറിക്ക് ശേഷം നിങ്ങളുടെ ശബ്ദം മാറിയെന്നുമായിരുന്നു ഡോക്ടര്‍ പറഞ്ഞത്. സര്‍ജറി സമയത്ത് തനിക്കൊപ്പമുണ്ടായിരുന്നവരേയും ഡോക്ടര്‍ പരിചയപ്പെടുത്തിയിരുന്നു.

നിങ്ങള്‍ക്കിനി നിങ്ങളുടെ കൊച്ചുമകളെപ്പോലെ അലറി വിളിക്കാം. എല്ലാം നോര്‍മ്മലായാലേ നിങ്ങളെ ഇവിടുന്ന് വിടുള്ളൂ. ഭയമില്ലാതെ പാട്ടുപാടുന്നത് കേള്‍ക്കണമെന്നും ഡോക്ടര്‍ താരയോട് പറഞ്ഞിരുന്നു. സൗഭാഗ്യയെ പാടിയുറക്കിയ താരാട്ടായിരുന്നു താര പാടിയത്. എനിക്ക് ജീവിതം തിരിച്ച് തന്ന ഡോക്ടറാണെന്നായിരുന്നു ഡോക്ടറെക്കുറിച്ച് താര വിശദീകരിച്ചത്. അങ്ങനെ എനിക്കെന്റെ ശബ്്ദം തിരിച്ചുകിട്ടിയെന്നും താര പറഞ്ഞിരുന്നു.

ഒരുമാസം റെസ്റ്റിലാണെങ്കിലും നിങ്ങള്‍ക്ക് മുന്നില്‍ ഞാനെത്തുമെന്ന് പറഞ്ഞായിരുന്നു താര കല്യാണ്‍ വീഡിയോ അവസാനിപ്പിച്ചത്. അപകടത്തില്‍ നിന്നും രക്ഷപ്പെട്ടു എന്നറിഞ്ഞതില്‍ സന്തോഷമുണ്ട്. എപ്പോഴും ആയുരാരോഗ്യത്തിനായി പ്രാര്‍ത്ഥിക്കുന്നു. എന്റെ ടീച്ചര്‍ക്ക് നമസ്‌ക്കാരമെന്നായിരുന്നു വീഡിയോയ്ക്ക് താഴെ ബി അരുന്ധതി കുറിച്ചത്. താരയുടെ ശബ്ദം കേട്ടപ്പോള്‍ സന്തോഷമായി. തികച്ചും ഉപകാരപ്രദമായ വീഡിയോ. ഇപ്പോഴാണ് സമാധാനമായതെന്ന കമന്റുകളും വീഡിയോയ്ക്ക് താഴെയുണ്ട്.

Latest Malayalam Movie News