ടേക്ക് ഓഫിന് ആശംസകള്‍ നേര്‍ന്ന് ഉമ്മന്‍ചാണ്ടി

മഹേഷ് നാരായണന്‍ ഒരുക്കുന്ന ടേക്ക് ഓഫിന് ആശംസകൾ നേ‍ർന്ന് ഉമ്മൻ ചാണ്ടി. ചിത്രത്തിൻെറ ട്രെയില‍ർ ഫേസ്ബുക്കിൽ പോസ്റ്റ് ചെയ്ത് കേന്ദ്ര, കേരള സര്‍ക്കാരുകളെ മുള്‍മുനയില്‍ നിര്‍ത്തിയ സംഭവം അനുസ്മരിക്കുയായാണ് മുൻ മുഖ്യമന്ത്രി.

"യു.ഡി.എഫ് സര്‍ക്കാര്‍ നേരിട്ട ഏറ്റവും വലിയ വെല്ലുവിളിയായിരുന്നു ഇറാഖില്‍ നിന്ന് നഴ്സുമാരെ നാട്ടിലെത്തുക എന്നത്. നെഴ്സുമാരെയും കൊണ്ടുള്ള പ്രത്യേക വിമാനം നെടുമ്പാശേരി വിമാനത്താവളത്തില്‍ ലാന്‍ഡ് ചെയ്തപ്പോഴാണ് ഏതാനും ദിവസങ്ങള്‍ മുള്‍മുനയില്‍ നിന്ന മലയാളികള്‍ക്ക് സമാധാനമായത്. ഇക്കാര്യത്തില്‍ കേന്ദ്ര വിദേശകാര്യമന്ത്രി സുഷമ സ്വരാജിന്റെയും വിദേശകാര്യ മന്ത്രാലയത്തിന്റെയും സഹായം നന്ദിപൂര്‍വം സ്മരിക്കുന്നു". ഈ സംഭവം ചിത്രീകരിക്കുന്ന ‘ടേക്ക് ഓഫ്’ സിനിമ, ഭീകരതയ്ക്കെതിരേ മനുഷ്യ സ്നേഹത്തിന്റെയും സമാധാനത്തിന്റെയും സന്ദേശമാകുമെന്നു പ്രതീഷിക്കുന്നു. ‘ടേക്ക് ഓഫി’ന് എല്ലാ വിജയാശംസകളും നേരുന്നു - ഉമ്മൻ ചാണ്ടി പറയുന്നു

ആന്റോ ജോസഫും ഷെബിന്‍ ബക്കറും ചേര്‍ന്ന് നിര്‍മിക്കുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് മഹേഷ് നാരായണനും പി.വി.ഷാജികുമാറും ചേര്‍ന്നാണ്. ഫഹദ് ഫാസിലും കുഞ്ചാക്കോ ബോബനും ഫഹദ് ഫാസിലും പാര്‍വയിയുമാണ് പ്രധാന താരങ്ങള്‍. ചിത്രം മാര്‍ച്ച്‌ 24ന് തിയേറ്ററുകളിലെത്തും.



oomen chandy face book post take off movie