വീട്ടുകാരുടെ സമ്മതത്തോടെയുള്ള പ്രണയവിവാഹമാണ് ഞങ്ങളുടേതെന്നും ഇരുവരും പറഞ്ഞിരുന്നു. എന്നാൽ ഇവരുടെ കല്യാണ വാർത്തയോട് സോഷ്യൽ മീഡിയയിൽ ലഭിക്കുന്ന ചില പ്രതികരണങ്ങൾ വല്ലാതെ അസ്വസ്ഥപ്പെടുത്തുന്നതാണ്. കല്യാണം കഴിക്കുന്ന രണ്ട് പേർക്കും ഇവരുടെ കുടുംബത്തിനുമൊന്നും ഇല്ലാത്ത ചില പ്രശ്നങ്ങളാണ് സോഷ്യൽ മീഡിയയിലെ കമൻ്റ് ബോക്സിൽ എത്തുന്നവർക്ക് എന്ന് തോന്നിപ്പോകും. അത്തരത്തിൽ വിഷം വമിക്കുന്ന ഭാഷയിലെത്തുന്ന കമൻ്റുകൾക്ക് ചുട്ട മറുപടി നൽകിക്കൊണ്ടുള്ള ഒരു കുറിപ്പ് സോഷ്യൽ മീഡിയയിൽ വൈറലാകുകയാണ്. ഗോകുൽ ഗോപാലകൃഷ്ണൻ എന്നയാളാണ് ഈ കുറിപ്പിന് പിന്നിൽ. കുറിപ്പിൻ്റെ പൂർണ്ണ രൂപം ചുവടെ വിശദമായി വായിക്കാം.
Also Read: വിജയ് ബാബു എയറിൽ!, കൂടിച്ചേരലുമായി 'അമ്മ', ആരോഗ്യ പരിശോധനാ ക്യാമ്പും! എന്തൊരു കരുതലാണ് ഈ മനുഷ്യർക്ക്!
പ്രബുദ്ധ മലയാളി
'മൈഥിലിയുടെ വിവാഹം കഴിഞ്ഞു എന്ന വാർത്തക്ക് താഴെ സോ കോൾഡ് പ്രബുദ്ധ മലയാളികളുടെ അഭിപ്രായ പ്രകടനങ്ങൾ ആണ്. അതായത് ഇവരുടെ അഭിപ്രായത്തിൽ ഒരു സ്ത്രീക്ക് ഒന്നിൽ കൂടുതൽ റിലേഷനുകൾ ഉണ്ടാകാൻ പാടില്ല (ആണുങ്ങൾക്ക് ആകാം അത് macho പരിവേഷം ആണ്) സ്ത്രീകൾ ലിവിങ് റിലേഷനിൽ ഇരുന്നാൽ അവർ പോക്ക് കേസ് ആണ് (പ്രത്യേകിച്ച് സിനിമ നടികൾ, നടന്മാർക്ക് ബാധകം അല്ല)'
'ആണുങ്ങൾക്ക് ബാധകം അല്ല'
'സ്ത്രീകൾ ഒരാളുമായി ലൈംഗിക ബന്ധത്തിൽ ഏർപ്പെട്ടു കഴിഞ്ഞാൽ അവനെ തന്നെ വിവാഹം ചെയ്യണം, അതിന്ന് പുറത്ത് വന്ന് വേറെ ആരേലും വിവാഹം ചെയ്താൽ ഞങ്ങൾക് ദേ ഇങ്ങനെ ഒക്കെ പറയും (ഇതും ആണുങ്ങൾക്ക് ബാധകം അല്ല) സ്വന്തം കുഞ്ഞു മകൾക്കൊപ്പം ഒക്കെ നിൽക്കുന്ന പടം പ്രൊഫൈൽ പിക്ച്ചർ ആക്കിയ സാധനങ്ങൾ ആണ് ദേ ഇതൊക്കെ താഴെ വന്ന് തട്ടി വിടുന്നത്.'
കോൺഫിഡൻ്റ് ആയി വിക്ടിം ബ്ലെയിം നടത്തുന്നു
'(അങ്ങനെ ഉള്ള ഫോട്ടോകൾ ക്രോപ്പ് ചെയ്ത് കളഞ്ഞു, പേര് മനപൂർവം ക്രോപ്പ് ചെയ്യാത്തത് ആണ്) വെറുതെ അല്ല കോൺഫിഡൻ്റ് ആയി വിക്ടിം ബ്ലെയിം നടത്തുന്നവന്മാർക്ക് ഒക്കെ ഒടുക്കത്തെ സപ്പോർട്ട് കിട്ടുന്നത്, ഇതൊക്കെ അല്ലെ ഐറ്റംസ്.' ഗോകുൽ ഗോപാലകൃഷ്ണൻ്റെ കുറിപ്പിൻ്റെ പൂർണ്ണ രൂപം ഇങ്ങനെയാണ്.
കമൻ്റുകളുമായി
നിരവധി പേരാണ് ഗോകുലിൻ്റെ ഈ കുറിപ്പ് പങ്കുവെച്ചിരിക്കുന്നത്. നിരവധി പേർ കമൻറുകളുമായി എത്തുന്നുണ്ട്. ഇത് പ്രതീക്ഷിച്ചത് തന്നെയാണ് എന്നും ഒരു മരണത്തിൽ പോലും ജാതി മതം രാഷ്ട്രീയം വർഗ്ഗീയത പറഞ്ഞ് പുളകം കൊണ്ടു നടക്കുന്നവരാണ് മലയാളിയെന്നും കമൻ്റുണ്ട്. ഇന്നത്തെ കാലത്ത് ഇതൊന്നും അത്ര പുതുമയുള്ള കാര്യമല്ലെന്നും സമ്പൂർണ്ണ സാക്ഷരതയിൽ അഭിമാനിക്കുന്ന മലയാളി അത് ചെയ്യുന്നതിൽ അത്ഭുതമില്ലെന്നും ശ്രീനാഥ് സത്യനാരായണൻ എന്ന ഫേസ്ബുക്ക് യൂസർ പ്രതികരിക്കുന്നു.