ഫഹദ് ഫാസിൽ മുൻ‌കൂർ ജാമ്യാപേക്ഷ നൽകി

ആലപ്പുഴ: പുതുച്ചേരിയിൽ വ്യാജ വാഹന റജിസ്‌ട്രേഷൻ നടത്തി നികുതി വെട്ടിച്ച കേസിൽ നടൻ ഫഹദ് ഫാസിൽ മുൻ‌കൂർ ജാമ്യാപേക്ഷ നൽകി. അടുത്ത ചൊവ്വാഴ്‌ച ക്രൈംബ്രാഞ്ചിന് മുൻപിൽ ഫഹദ് നേരിട്ട് ഹാജരാകണമെന്ന് കാണിച്ച് നോട്ടീസ് നൽകിയിരുന്നു. ആലപ്പുഴ ജില്ലാ സെഷൻസ് കോടതിയിലാണ് ഫഹദ് ജാമ്യാപേക്ഷ നൽകിയത്.

ജാമ്യാപേക്ഷ കോടതി ബുധനാഴ്ച പരിഗണിക്കും. ചൊവ്വാഴ്ച ചോദ്യം ചെയ്യലിന് ഹാജരാകാന്‍ നടി അമലാ പോളിനും ക്രൈം ബ്രാഞ്ച് നോട്ടീസ് നല്‍കിയിരുന്നു. സുരേഷ് ഗോപിക്കും അമലാ പോളിനും ഫഹദ് ഫാസിലിനുമെതിരെയായിരുന്നു കേസെടുത്തിരുന്നത്.