ഓണമാഘോഷിച്ച് നസ്രിയയും ഫഹദും നവീനും; ചിത്രങ്ങൾ പങ്കുവെച്ച് താരം

ലോകമെമ്പാടുമുള്ള മലയാളികൾ ഓണം ആഘോഷിക്കുന്ന തിരക്കിലാണ്. മലയാളികളെല്ലാം ഒരേ മനസ്സോടെ ഓണം ആഘോഷിക്കുന്നതിനിടെ താരങ്ങളുടെ ഓണാഘോഷവും ശ്രദ്ധേയമാകുകയാണ്. താരങ്ങൾ സോഷ്യൽ മീഡിയയിലൂടെ തങ്ങളുടെ ഓണാഘോഷ ചിത്രങ്ങളും വീഡിയോകളും ആരാധകരുമായി പങ്കുവെക്കുന്നുണ്ട്. അതിനിടെ ശ്രദ്ധേയമാകുകയാണ് നടി നസ്രിയയും ഫഹദും നസ്രിയയുടെ സഹോദരൻ നവീനും ഓണമാഘോഷിച്ചതിൻ്റെ ചിത്രങ്ങൾ. ഇൻസ്റ്റാഗ്രാമിൽ നടി നസ്രിയയാണ് ഈ ചിത്രങ്ങൾ പങ്കുവെച്ചിരിക്കുന്നത്.



ഗോൾഡൻ, ചുവപ്പ് നിറത്തിലുള്ള ചുരിദാറാണ് നസ്രിയ അണിഞ്ഞിരിക്കുന്നത്. ഇതോടൊപ്പം ഫഹദ് പതിവു‌ പോലെ ജീൻസും വെള്ള ഷർട്ടുമാണ് ധരിച്ചിരിക്കുന്നത്. ഒന്നിച്ചുള്ള ആറാമത്തെ ഓണമാണ് നസ്രിയയും ഫഹദും ആഘോഷിക്കുന്നത്. ഇത്തവണത്തെ ഇവരുടെ ഓണാഘോഷങ്ങളിൽ നസ്രിയയുടെ അനിയനും നടനുമായ നവീനുമുണ്ട്. ആരാധകർക്ക് ഓണാശംസകൾ നേർന്നുകൊണ്ട് താരം മൂവരുമൊത്തുള്ള ഓണ ചിത്രങ്ങൾ ഷെയർ ചെയ്തിട്ടുണ്ട്. വിഭവസമൃദ്ധമായ സദ്യയുടെ ചിത്രവും താരം പങ്കുവച്ചു.