നസ്രിയ അടുത്തുവന്ന് ചോദിച്ചു, 'എടോ തനിക്കെന്നെ കല്യാണം കഴിക്കാൻ പറ്റുമോ'?; പ്രൊപ്പോസ് ചെയ്ത നിമിഷങ്ങൾ ഓർത്തെടുത്ത് ഫഹദ്!!

ഇരുവരും വിവാഹിതരാവുന്നു എന്ന വാർത്ത വളരെ അത്ഭുതത്തോടെ തന്നെയാണ് ആരാധകരും ഏറ്റെടുത്തത്. ഇപ്പോഴിതാ, തങ്ങളുടെ പ്രണയം തുടങ്ങിയ നാളുകൾ എങ്ങനെ ആയിരുന്നു എന്ന് തുറന്ന് പറയുകയാണ് ഫഹദ്. ഒരഭിമുഖത്തിൽ ഫഹദ് സംസാരിച്ചതിന്റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്. നസ്രിയ തന്നെ പ്രെപ്പോസ് ചെയ്ത നിമിഷങ്ങളെ കുറിച്ച് ഫഹദ് പറയുന്നത് ഇങ്ങനെ.

“ബാംഗ്ലൂർ ഡേയ്സിന്റെ ഷൂട്ടിംഗ് നടക്കുമ്പോൾ ഞങ്ങളിനെ പരസ്പരം നോക്കിയിരിക്കാനൊക്കെ തുടങ്ങി. പുറത്ത് ലൈറ്റപ്പ് നടക്കുമ്പോൾ ഞാനും നസ്രിയയും മാത്രമായിരുന്നു മുറിയിൽ. ഇടയ്ക്ക് നസ്രിയ എന്റെ അടുത്തുവന്നിട്ട്, എടോ തനിക്കെന്നെ കല്യാണം കഴിക്കാൻ പറ്റുമോ എന്ന് ചോദിച്ചു.” ഫഹദ് പറഞ്ഞു.

കരിയറിൽ തിളങ്ങി നിൽക്കുന്ന സമയത്തായിരുന്നു നസ്രിയയും ഫഹദുമായുളള വിവാഹം നടന്നത്. ഫഹദ് ഫാസിൽ നേരത്തെ പറഞ്ഞത് നസ്റിയ വന്നപ്പോഴാണ് ജീവിതം അർഥ പൂർണമായതെന്നാണ്. അലസനും മടിയനുമായ വ്യക്തിയാണ് താനെന്നും വീട്ടിൽ നിന്ന് പുറത്തു പോലും ഇറങ്ങാറുണ്ടായിരുന്നില്ലെന്നും താരം പറഞ്ഞിരുന്നു. അങ്ങനെയുളള ഒരാളെ ഉത്സാഹത്തോടെ നേർവഴിക്ക് നടത്താൻ നസ്റിയയ്ക്ക് കഴിഞ്ഞിട്ടുണ്ടെന്നും ഫഹദ് മുൻപ് ഒരു അഭിമുഖത്തിൽ വ്യക്തമാക്കിയിരുന്നു.

വിവാഹ ശേഷം സിനിമയിൽ നിന്നും വിട്ടുനിന്ന നസ്റിയ പിന്നീട് നിർമ്മാതാവായാണ് തിരിച്ചെത്തിയത്. ശേഷം ക്യാമറയ്ക്ക് മുന്നിലേക്കും താരമെത്തിയിരുന്നു. ‘കൂടെ’യിലൂടെയായിരുന്നു അത്. അഞ്ജലി മേനോൻ സംവിധാനം ചെയ്ത ചിത്രത്തിൽ പൃഥ്വിരാജിന്റെ സഹോദരിയുടെ വേഷം നസ്രിയ വളരെ തന്മയത്വത്തോടെ അവതരിപ്പിക്കുകയും ചെയ്തു. പിന്നീട് ഫഹദിനൊപ്പം ട്രാൻസിലും നസ്രിയ മികച്ച പ്രകടനമാണ് കാഴ്ചവെച്ചത്.

കൂടാതെ ദുൽഖർ സൽമാൻ നിർമ്മിച്ച ‘മണിയറയിലെ അശോകൻ’ എന്ന ചിത്രത്തിലും അതിഥി വേഷത്തിൽ നസ്രിയ എത്തിയിരുന്നു, അടുത്തിടെയാണ് നസ്രിയ തെലുങ്ക് സിനിമയിലേക്ക് അരങ്ങേറിയത്. ‘അന്റെ സുന്ദരിനികി’ എന്ന ചിത്രത്തിലൂടെയാണ് നസ്രിയ തെലുങ്കിലേക്ക് അരങ്ങേറുന്നത്. ഷൂട്ടിനായി ഇരുവരും ഹൈദരാബാദില്‍ വന്നിറങ്ങിയപ്പോള്‍ എടുത്ത ഫോട്ടോകൾ തരംഗമായി മാറിയിരുന്നു.