നസ്രിയ നല്ലൊരു ഭാര്യയാവാന്‍ കാരണം ഇതാണ്! ഫഹദ് ഫാസിലിന്റെ തുറന്നുപറച്ചില്‍ വീണ്ടും വൈറല്‍

പ്രേക്ഷകരുടെ പ്രിയപ്പെട്ട താരജോഡികളിലൊന്നാണ് ഫഹദ്-ഫാസില്‍ നസ്രിയ. ബാംഗ്ലൂര്‍ ഡേയ്‌സില്‍ ഭാര്യഭര്‍ത്താക്കന്‍മാരായി അഭിനയിച്ചതിന് ശേഷമായാണ് ഇരുവരും യഥാര്‍ത്ഥ ജീവിതത്തിലും ഒന്നിച്ചത്. ഇവര്‍ വിവാഹിതരാവുമെന്ന് നേരത്തെ തന്നെ തോന്നിയിരുന്നതായി പലരും പറഞ്ഞിരുന്നു. ബാംഗ്ലൂര്‍ ഡേയ്‌സ് ലൊക്കേഷനിലെ കാര്യങ്ങളെക്കുറിച്ച് പറഞ്ഞ് ഫഹദും നസ്രിയയും എത്തിയിരുന്നു. നസ്രിയ എന്ന സുഹൃത്തിനെക്കുറിച്ചും ഭാര്യയെക്കുറിച്ചും, വിവാഹ ശേഷം ജീവിതത്തില്‍ വന്ന മാറ്റങ്ങളെക്കുറിച്ച് പറഞ്ഞും ഫഹദ് എത്താറുണ്ട്.

Also Read: കങ്കണയുടെ ഓഫീസ് പൊളിക്കുന്നതിന് ഹെെക്കോടതിയുടെ സ്റ്റെ

മുന്‍പൊരു അഭിമുഖത്തിനിടയില്‍ നസ്രിയയെക്കുറിച്ച് വാചാലനാവുന്ന ഫഹദിന്റെ വീഡിയോയാണ് ഇപ്പോള്‍ വീണ്ടും വൈറലായിക്കൊണ്ടിരിക്കുന്നത്. ചെറുപ്പം മുതല്‍ വീട്ടില്‍ കണ്ടിട്ടുള്ള അമ്മയെപ്പോലെയാണ് ഭാര്യ. എന്നെ നന്നായി നോക്കും, കെയര്‍ ചെയ്യും. എല്ലാ കാര്യങ്ങളും ശ്രദ്ധിക്കാറുമുണ്ട്. പഴയത് പോലെ ദേഷ്യപ്പെടാറില്ല, വഴക്കുണ്ടാക്കാറില്ല, കുറച്ചൂടെ പീസ്ഫുളാണ്. ഭക്ഷണം ഉണ്ടാക്കിത്തരുന്നത് കൊണ്ടല്ല അവള്‍ നല്ല ഭാര്യയാണ് എന്ന് പറയുന്നത്. എനിക്ക് വേറെവിടെയും കിട്ടാത്ത കംഫര്‍ട്ട് നസ്രിയയ്‌ക്കൊപ്പം ഇരിക്കുമ്പോള്‍ കിട്ടാറുണ്ട്. അത് തന്നെയാണ് എന്നെ സംബന്ധിച്ച് ഏറെ പ്രധാനപ്പെട്ട കാര്യം.

Also Read: കൊടികളും മുദ്രാവാക്യങ്ങളുമായി ശിവസേന; പ്രതിഷേധങ്ങള്‍ക്കിടെ മുംബെെയില്‍ തിരികെ എത്തി കങ്കണ

കുറേക്കൂടി സെക്യുയേര്‍ഡായി തോന്നാറുണ്ട്. ഞാന്‍ നല്ലൊരു ഫ്രണ്ടാണ്, ഭര്‍ത്താവാണോയെന്ന് എനിക്കറിയില്ല. ഡൊമിനേറ്റിങ് ക്യാരക്ടറൊന്നുമല്ല എന്റേത്. കാര്യങ്ങള്‍ കേള്‍ക്കാനും തുറന്ന് സംസാരിക്കാനുമൊക്കെ തയ്യാറാവാറുണ്ട്. അങ്ങനെയൊക്കെ ചെയ്യാന്‍ ഒരുപാട് ഇഷ്ടമാണെന്നുമായിരുന്നു ഫഹദ് പറഞ്ഞത്. ഫഹദിന്റെ ജീവിതത്തിലേക്ക് വന്നതോടെയാണ് താന്‍ നായപ്പേടി മാറ്റിയതെന്നായിരുന്നു ഇടയ്ക്ക് നസ്രിയ പറഞ്ഞത്. ഫഹദ് തന്ന സമ്മാനങ്ങളില്‍ ഏറെ പ്രധാനപ്പെട്ടതാണ് ഓറിയോയെന്നും താരം പറഞ്ഞിരുന്നു.